پاکستان اور نیپال کے درمیان تعلقات کو وسعت دینے کے لیے مختلف شعبوں میں بڑھانے کی ضرورت ہے

صدر مملکت ممنون حسین کی پاکستان کے نامزد سفیر برائے نیپال سے گفتگو

بدھ جنوری 15:38

اسلام آباد(اُردو پوائنٹ اخبارتازہ ترین۔20 جنوری۔2016ء) صدر مملکت ممنون حسین نے کہا ہے کہ پاکستان اور نیپال کے درمیان تعلقات کو وسعت دینے کے لیے مختلف شعبوں بالخصوص ٹیکسٹائل سیکٹر میں معاشی تعاون بڑھانے کی ضرورت ہے۔یہ بات صدر مملکت نے پاکستان کے نامزد سفیر برائے نیپال مظہر جاوید سے بات چیت کرتے ہوئے کہی جنہوں نے ایوانِ صدر میں صدر مملکت سے ملاقات کی۔

(جاری ہے)

صدر مملکت نے نامزد سفیر کو ہدایت کی کہ وہ چیمبر آف کامرس کراچی اور لاہور سے مشاورت کریں تاکہ ان اشیاء کا انتخاب کیا جاسکے جن کی طلب نیپال میں موجود ہے۔ صدر مملکت نے زور دیا کہ پاکستان ٹیکنیکل تعاون پروگرام کے تحت دی جانے والی امداد کو ایسے موٴثر طریقے سے استعمال کیا جائے جس سے سرکاری اور عوامی سطح پرہمارے تعلقات میں مزید وسعت آئے۔صدر مملکت ممنون حسین نے کہا کہ پاکستان بدھ تہذ یب کا گہوارہ ہے۔ اس حوالے سے نیپالی عوام کو پاکستان میں سیاحت کی جانب راغب کیا جاسکتا ہے۔ صدر مملکت نے نامزد سفیر کو نئی ذمہ داریاں سنبھالنے پر مبارک باد دی اور توقع ظاہر کی کہ وہ دونوں ملکوں کے درمیان تعلقات کومضبوط بنانے میں اپنی بھرپور صلاحیت استعمال کریں گے۔

متعلقہ عنوان :

اسلام آباد شہر میں شائع ہونے والی مزید خبریں:

Your Thoughts and Comments