اُردو پوائنٹ پاکستان اسلام آباداسلام آباد کی خبریں دہشت گردی کا خاتمہ کئے بغیر ہم ترقی کی منازل طے نہیں کرسکتے خاتون ..

دہشت گردی کا خاتمہ کئے بغیر ہم ترقی کی منازل طے نہیں کرسکتے

خاتون اول بیگم محمودہ ممنون حسین کا گرلز گائیڈز ایسوسی ایشن کی تقریب سے خطاب

اسلام آباد ۔ 20 جنوری (اُردو پوائنٹ اخبارتازہ ترین۔20 جنوری۔2016ء) خاتون اول بیگم محمودہ ممنون حسین نے کہا ہے کہ ملک سے دہشت گردی کا خاتمہ کئے بغیر ہم ترقی کی منازل طے نہیں کرسکتے اور میری دعا ہے کہ الله تعالیٰ پاکستان کو ہر قسم کی دہشت گردی سے پاک کرے۔ انہوں نے یہ بات بدھ کو ایوان صدر میں گرلز گائیڈز ایسوسی ایشن کی تقریب سے خطاب کر تے ہوئے کہی۔

انہوں نے کہا کہ خواتین اپنی گھریلو مصرفیات میں سے وقت نکال کر اپنی تعلیمی قابلیت میں اضافہ کریں تاکہ وہ قومی تعمیرو ترقی اور خاص طور پر تعلیم کے شعبے میں موثر کردار ادا کرسکیں،بیگم ممنون حسین نے کہا کہ جھوٹ اور بے ایمانی کو اگر ہم زندگی سے نکال دیں تو پاکستان جنت کا نمونہ بن جائے گا۔ بیگم محمودہ ممنون حسین نے کہا کہ پاکستانی بچیاں اللہ کے فضل سے بہت ذہین اور باصلاحیت ہیں اگر انہیں ذرا سی رہنمائی میسر آئے تو وہ بڑے کارنامے سر انجام دے سکتی ہیں۔

(خبر جاری ہے)

انہوں نے کہا کہ گرلز گائیڈز ایسوسی ایشن کا بھی یہی مقصد ہے کہ پاکستانی خواتین کو گھر گرہستی کے طور طریقے سکھائے جائیں تاکہ وہ اپنے خاندان کی آمدنی میں اضافہ کر سکیں اور کسی کی محتاج نہ ہوں۔انہوں نے کہا کہ اگر ہماری خواتین ملکی تعمیرو ترقی میں حصہ لیں گی تب ملک حقیقی معنوں میں ترقی کرے گا اور معاشرے میں تبدیلی آئے گی۔ تقریب سے سینیٹر نزہت صادق، چیف کمشنر پاکستان گرل گائیڈز ایسوسی ایشن نے بھی خطاب کیا اور ادارے کی کارکردگی پر روشنی ڈالی۔ اس موقع پر بچو ں نے نعت اور ٹیبلو بھی پیش کیے جس سے خاتونِ اوّل بہت متاثر ہوئیں اور بچوں کو ان کی بہتری کارکردگی پر داد دی۔ اس موقع پر گرلز گائیڈزنے خاتونِ اوّل کو گارڈ آف آنر بھی پیش کیا۔


اپنی رائے کا اظہار کریں -

اسلام آباد شہر کی مزید خبریں