مقبوضہ کشمیر میں مسلمانوں کی نسل کشی کا سلسلہ بغیر کسی رکاوٹ کے جاری ہے، چوہدری محمد برجیس طاہر
عالمی برادری کو قابض بھارتی فوج کی جانب سے روزانہ کی بنیاد پر کشمیریوں کو ماورائے عدالت قتل کرنے کا نوٹس لیناچاہئے ،بھارت کا مقبوضہ کشمیر کو اپنا اٹوٹ انگ بنانے کا خواب جلد خاک میں مل جائے گا،وزیر امور کشمیر وگلگت بلتستان کا پیغام
پیر 6 نومبر 2017 21:06
(جاری ہے)
انہوں نے کہا کہ بھارتی انسانی حقوق کمیشن کی جانب سے مقبوضہ کشمیر میں 2 ہزار سے زائد اجتماعی قبریں موجود ہونے کی تصدیق اس امر کو واضح کرتی ہے کہ بھارت نے مقبوضہ کشمیر پر اپنا ناجائز تسلط قائم رکھنے کیلئے لاکھوں افراد کو شہید کیا ہے۔
انہوں نے کہا کہ یہی وجہ ہے کہ بھارت مقبوضہ کشمیر میں غیر ملکی غیر جانبدار انسانی حقوق کے اداروں کو داخلہ کی اجازت نہیں دیتا کیونکہ ایسا کرنے سے انسانی حقوق کے حوالہ سے بھارت کا مکروہ چہرہ دنیا پر بے نقاب ہو جائے گا۔ انہوں نے کہا کہ بھارتی انسانی حقوق کمیشن کی جانب سے مقبوضہ کشمیر میں 2 ہزار سے زائد اجتماعی قبروں کے اعتراف سے بین الاقوامی دنیا اور انصاف کے عالمی اداروں کی آنکھیں کھل جانی چاہئیں جو پچھلی کئی دہائیوں سے اپنے ذاتی، سیاسی و معاشی مفادات کی خاطر مقبوضہ کشمیر میں انسانی المیہ سے چشم پوشی اختیار کئے بیٹھے ہیں۔ وفاقی وزیر نے کہا کہ بھارت کی سخت پابندیوں کے باوجود بھارت کے مقبوضہ کشمیر میں کئے جانے والے ظلم و تشدد کی کارروائیاں دنیا کے سامنے آ رہی ہیں، 2016ء میں دنیا نے کشمیریوں کی چھروں سے چھلنی آنکھوں کو دیکھا جب قابض بھارتی فوج نے آزادی اور حق خودارادیت کے خواب بسائے کشمیری نوجوان بچوں اور بچیوں کی آنکھوں کو چھلنی کرکے ان کو عمر بھر کیلئے بینائی سے محروم کر دیا جس کا سلسلہ آج بھی جاری ہے۔ انہوں نے کہا کہ بہادر کشمیری شہدائے جموں جیسے لاکھوں بہن بھائیوں کی قربانیاں دینے کے باوجود اپنے حق خودارادیت کے پیدائشی حق پر ثابت قدمی سے قائم ہیں اور بھارت کا اندھا دھند تشدد اور درجنوں کالے قوانین بھی ان کے عزم کو ہلانے میں ناکام رہے ہیں۔ انہوںنے کہا کہ بھارت کویہ جان لینا چاہئے کہ وہ پچھلے 70 سال میں کشمیریوں کو سبز باغ دکھانے، مذاکرات کا جھانسہ دینے سے لے کر ماورائے عدالت قتل، خواتین کی عصمت دری اور ان کی اجتماعی قبریں بنانے تک تمام قسم کے ہتھکنڈے اپنا چکا ہے جس کے باوجود وہ کشمیریوں کو نہیں ڈرا سکا ہے۔ انہوں نے کہا کہ آج کشمیریوں کی تیسری نسل بھارت کے خلاف اپنے حقوق کی حفاظت کیلئے جانوں کا نذرانہ پیش کر رہے ہیں اور بھارت کے ظالم ہتھکنڈوں کے باوجود اپنے حق خود ارادیت کیلئے اسی جوش و جذبہ سے جدوجہد کر رہے ہیں جس جوش و جذبے سے ان کے اسلاف نے اپنے اس حق کیلئے قربانیاں پیش کی تھیں بلکہ آج یہ جذبہ اس مقام تک پہنچ چکا ہے کہ مقبوضہ کشمیر میں ہر شہید ہونے والے فرد کو سبز ہلالی پرچم میں دفنایا جاتا ہے اور کشمیری نوجوان پاکستان سے اپنی وابستگی کا اظہار 8 لاکھ بھارتی فوج کی موجودگی کے باوجود ان کے سامنے سبز ہلالی پرچم لہرا کر کرتے ہیں۔ انہوں نے کہا کہ اپنے مقصد میں اس قدر لگائو اور عزم یقیناجلد کشمیری عوام کو آزادی کی منزل سے ملائے گا اور بھارت کا مقبوضہ کشمیر کو اپنا اٹوٹ انگ بنانے کا خواب خاک میں مل جائے گا۔متعلقہ عنوان :
اسلام آباد میں شائع ہونے والی مزید خبریں
نیشنل ایکشن پلان 2014ء پر عملدرآمد کیلئے سپریم کورٹ میں درخواست دائر
بطور ڈاکٹر بشریٰ بی بی کے ٹیسٹ کو دیکھ کر سلوپوائزنگ سے انکار نہیں کرسکتا
وزیراعظم شہباز شریف کا 28 اپریل کو دورہ سعودی عرب متوقع
بیرسٹر گوہر کا بشریٰ بی بی کی دورانِ قید بگڑتی صحت پر تشویش کا اظہار
سپیکر قومی اسمبلی سے سعودی عرب کے سفیر کی ملاقات، پاک سعودی تعلقات کومزید وسعت دینے کے عزم کا اظہار
عوام نے نفرت اور تقسیم کا بیانیہ مسترد کر دیاہے ،خارجہ پالیسی کے خلاف باتیں کرنے والے ماضی کا قصہ بن ..
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
وفاقی وزیر برائے وفاقی تعلیم ڈاکٹر خالد مقبول صدیقی سے یونیسیف کے نمائندے کی ملاقات
آئی جی اسلام آباد پولیس سید علی ناصر رضوی کا سکیورٹی ڈویژن کا دورہ
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
مغربی ہوائوں کا سلسلہ (کل) پاکستان میں داخل ہو کر بارشیں برسائے گا
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
اسلام آباد سے متعلقہ
پاکستان کی تازہ ترین خبریں
-
وزیراعظم شہباز شریف کا 28 اپریل کو دورہ سعودی عرب متوقع
-
بیرسٹر گوہر کا بشریٰ بی بی کی دورانِ قید بگڑتی صحت پر تشویش کا اظہار
-
سپیکر قومی اسمبلی سے سعودی عرب کے سفیر کی ملاقات، پاک سعودی تعلقات کومزید وسعت دینے کے عزم کا اظہار
-
عوام نے نفرت اور تقسیم کا بیانیہ مسترد کر دیاہے ،خارجہ پالیسی کے خلاف باتیں کرنے والے ماضی کا قصہ بن چکے ہیں،وزیراطلاعات
-
پاکستان بزنس فورم کی ایگزیکٹو کمیٹی کا اجلاس
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
وفاقی وزیر برائے وفاقی تعلیم ڈاکٹر خالد مقبول صدیقی سے یونیسیف کے نمائندے کی ملاقات
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
نوجوانوں کو معاشی طور پر مستحکم کرنا ہماری اولین ترجیح ہے،رانا مشہود احمد خاں