اُردو پوائنٹ پاکستان اسلام آباداسلام آباد کی خبریںصدر آزاد کشمیر سردار مسعود خان کی زیرصدارت اعلیٰ سطحی اجلاس، جامعہ ..

صدر آزاد کشمیر سردار مسعود خان کی زیرصدارت اعلیٰ سطحی اجلاس، جامعہ پونچھ کے منگ کیمپس کے باضابطہ قیام اور کروٹ ہائیڈرو پاور پراجیکٹ بارے بریفنگ دی گئی

اسلام آباد ۔ (اُردو پوائنٹ اخبارتازہ ترین۔ 03 اپریل2018ء) صدر آزاد جموں و کشمیر سردار مسعود خان نے پونچھ یونیورسٹی کے منگ سب کیمپس کے حوالہ سے ایوان صدر کشمیر ہائوس اسلام آباد میں اعلیٰ سطحی اجلاس کی صدارت کی۔ اجلاس میں وزیر حکومت برائے خزانہ، منصوبہ بندی و صحت ڈاکٹر نجیب نقی خان، پونچھ یونیورسٹی کے وائس چانسلر ڈاکٹر رسول بخش، سیکرٹری ہائر ایجوکیشن زاہد عباسی، کمشنر پونچھ ڈویژن عبدالحمید مغل، سدھن ایجوکیشنل کانفرنس کے صدر ریٹائرڈ سیکرٹری سردارمحمد صدیق خان، سنئیر نائب صد رسدھن ایجوکیشنل کانفرنس بریگیڈیئر (ر) محمد عارف خان، نائب صد ر سدھن ایجوکیشنل کانفرنس بریگیڈیئر (ر) زرین خان اور سدھن ایجوکیشنل کانفرنس کے جنرل سیکرٹری ڈاکٹر غلام حسین نے شرکت کی ۔

صدر آزادکشمیر کو اس موقع پر جامعہ پونچھ کے منگ کیمپس کے باضابطہ قیام کے حوالے سے کی جانے والی پیشرفت سے آگاہ کیا گیا۔

(خبر جاری ہے)

صدر نے سدھن ایجوکیشنل کانفرنس کے عہدیداران کا شکریہ ادا کیا جنہوں نے منگ سب کیمپس کیلئے سدھن ایجوکیشنل کانفرنس کی تعمیر کردہ عمارت اور زمین پونچھ یونیورسٹی کو دی ہے۔ انہوں نے کہا ہم سدھن ایجوکیشن کانفرنس کی تعلیمی خدمات کو قدر کی نگاہ سے دیکھتے ہیں اور انشاء اللہ آزادکشمیر کے ہر ضلع بلکہ سب ڈویژن کی سطح پر بھی طلباء و طالبات کو اعلیٰ تعلیم کے مواقع فراہم کرنے کی حتی المقدور کوشش کریں گے۔

اجلاس میں اس فیصلے کی توثیق کی گئی کہ سدھن ایجوکیشنل کانفرنس کو مذکورہ بلڈنگ کے عوض 2کروڑ 18لاکھ کی ادائیگی حکومت آزادکشمیر کرے گی اور منگ کیمپس کیلئے دی گئی زمین کے متبادل سدھن ایجوکیشنل کانفرنس کو 22کنال زمین بھی دی جائے گی جس میں ایک کنال پلندری، ایک کنال راولاکوٹ اور 20 کنال پونچھ کے اندر کسی مناسب جگہ سے الاٹ کی جائے گی ۔ صدر آزادکشمیر نے منگل کو ایوان صدر کشمیر ہائوس میں کروٹ ہائیڈرو پاور منصوبہ کے حوالے سے بھی ایک اور اعلیٰ سطحی اجلاس کی صدارت کی جس میں ڈاکٹر نجیب نقی وزیر حکومت برائے خزانہ، منصوبہ بندی و صحت کے علاوہ چائنہ تھری گارجز کارپوریشن کے سی ای او لوڈنگ شنگ، کروٹ ہائیڈرو پاور پراجیکٹ ریزیڈنٹ انجینئر مسٹر وائین پارکر،سیکرٹری صدارتی امور سردار ظفر خان، ڈپٹی کمشنر سدھنوتی امجد اقبال، ایکسین شاہرات سدھنوتی عمران حنیف، ڈپٹی ڈائریکٹر میڈیا حماد رحیم اور پرائیوٹ سیکرٹری صدر آزادکشمیر عتیق الرٰحمان نے شرکت کی۔

اجلاس میں چیف ایگزیٹو آفیسر مسٹر لو اور مسٹر وائین پارکر نے کروٹ ہائیڈرو پاور پراجیکٹ کے بارے میں تفصیلاً بریفینگ دی۔ انہوں نے صدر کو بتایا کہ 720 میگا واٹ پن بجلی کا یہ منصوبہ دسمبر 2021ء میں مکمل ہو جائے گا اور بجلی کی پیداوار شروع کر دے گا ۔اجلاس میں ہولاڑ ، پانہ اور آزاد پتن میں مستقبل میں نئے تعمیر کیے جانے والے پُلوں اور سڑکات کے بارے میں بھی تفصیلاً بریفینگ دی گئی ۔صدر نے چائنہ تھری گارجز کارپوریشن کے کام، معیار اور لگن کی تعریف کی۔

اپنی رائے کا اظہار کریں -

اسلام آباد شہر کی مزید خبریں