پی ٹی آئی ہماری سیاست کا محور ہے چیئرمین عمران خان کی قیادت میں تحریک انصاف کی حکومت قائم کرنا اور پاکستان سے روایتی و کرپٹ سیاست کا خاتمہ ہمارے مشن کا حصہ ہے

پاکستان تحریک انصاف یو اے ای کے رہنماعظیم رضاچوہدری کی بات چیت

جمعہ 20 اپریل 2018 21:13

اسلام گڑھ(اُردو پوائنٹ اخبارتازہ ترین - آئی این پی۔ 20 اپریل2018ء) پاکستان تحریک انصاف یو اے ای کے رہنماعظیم رضاچوہدری نے کہاکہ پی ٹی آئی ہماری سیاست کا محور ہے چیئرمین پاکستان تحریک انصاف عمران خان کی قیادت میں پاکستان تحریک انصاف کی حکومت قائم کرنا اور پاکستان سے روایتی و کرپٹ سیاست کا خاتمہ ہمارے مشن کا حصہ ہے جس کی تکمیل کے لئے آزاد کشمیراور پاکستان پھر میں عمران خان کے متوالے دن رات محنت کر رہے ہیں جس کی بدولت پاکستان میں پاکستان تحریک انصاف کی حکومت بہت جلد قائم ہوگی پاکستان تحریک انصاف کا منشور کرپشن کا خاتمہ ہے اور کرپشن کے خاتمے کیلئے آزاد کشمیر میں عمران خان کے متوالے اور پی ٹی آئی آزاد کشمیر کے جیالے یک صف کھڑے ہیں اور آزاد کشمیر سے کرپشن کے خاتمے کیلئے اور پاکستان میں حقیقی معنوں میں گڈگورئنس کے قیام کیلئے عمران خان کی آواز پر لبیک کہتے ہوئے آزاد کشمیر کی یوتھ ہر اول دستہ کردار ادا کرے گی ان خیالات کا اظہار انہوں نے صحافیوں سے بات چیت کرتے ہوئے کیاعظیم رضاچوہدری نے کہا کہ اوورسزکشمیری آزاد کشمیر کی پہچان ہیں اور آزاد کشمیر کی سیاست میں اہم کردار ادا کرتے ہیں اوورسیز کشمیری و پاکستانی عمران خان سے امیدیں لگائے ہوئے ہیں کہ پاکستان اور آزاد کشمیر سے روایتی سیاست کا خاتمہ پاکستان تحریک انصاف کی مضبوطی اور پی ٹی آئی کی حکومت سے ہی ممکن ہے۔