نئی نسل کو اقبال اور قائداعظم کے پاکستان کے نقطہ نظر کو سمجھنے اور پیروی کرنے کی ضرورت ہے، پروفیسر فتح محمد ملک

پیر 13 اگست 2018 23:59

اسلام آباد (اُردو پوائنٹ اخبارتازہ ترین - آئی این پی۔ 13 اگست2018ء) مشہور ادیب پروفیسر فتح محمد ملک نے پالیسی ادارہ برائے پائیدارترقی (ایس ڈی پی آی) کے زیر اہتمام یوم آزادی کے موقع پر اپنے ایک لیکچر میں کہا کہ تحریک پاکستان میں علامہ اقبالؒ اور قائداعظمؒ نے ایک جامع، ترقی پسند اور کثرت پسند ریاست کے لیے جدوجہد کی جہاں ہر شہری کو ذات، زبان اور مذہب سے بلائے تاک رکھ کر برابر حقوق میسر ہوں۔

پروفیسر فتح نے کہا کہ تحریک پاکستان کے بانیوں اور اس وقت کے مذہبی رہنماؤں کے درمیان پاکستان کی تخلیق پر بنیادی فرق اور اختلافات موجود ہیں . انہوں نے کہا کہ اس وقت کے مشہور مذہبی علماء تحریک پاکستان کے خلاف تھے جبکہ قائداعظمؒ اور برصغیر کے مسلمانوں نے علامہ اقبالؒ کے خواب کو قبول کیا. اُنہوں نے کہا کہ ہماری نوجوان نسل کو پاکستان کی تاریخ کو سمجھنا چاہیے تاکہ وہ حقائق تک پونچ سکیں۔

(جاری ہے)

انہوں نے کہا کہ اگرچہ طویل جدوجہد کے بعد ہم نے زمین کا ایک ٹکڑا حاصل کیا ہے، لیکن قائد اور اقبال کے خواب اور نقطہ نظر 71 برس کی آزادی کے بعد بھی پورا نہیں ہوسکا۔ انہوں نے مذید کہا کہ ہم نے لیاقت علی خان کے قتل کے بعد امریکہ کی غلامی قبول کر کے غلط راہ کا انتخاب کیا۔. انہوں نے کہا کہااس سیاسی عدم استحکام کے دوران اب ایک سیاسی قیادت کی ضرورت ہے جو تحریک پاکستان کے صحیح راستے پر عمل کرے اور ملک کو خوشحالی کی طرف لے جا سکے۔