حکومت کے مالی مسائل میں کمی، سعودی بیل آوٹ پیکج کی پہلی قسط مل گئی

رقم اسٹیٹ بینک میں جمع کروائی جائیگی

پیر 19 نومبر 2018 22:27

اسلام آباد(اُردو پوائنٹ اخبارتازہ ترین - آن لائن۔ 19 نومبر2018ء) پاکستان تحریک انصاف کی حکومت کے مالی مسائل میں کمی آگئی،حکومت کو سعودی بیل آوٹ پیکج کی پہلی قسط مل گئی ہے یہ رقم اسٹیٹ بینک میں جمع کروائی جائیگی۔

(جاری ہے)

ذرائع کے مطابق پاکستان کو کل تین ارب ڈالر کی رقم ملے گی امدادی رقم کی اگلی قسطیں آئندہ دو ماہ میں مل جائیں گی اسٹیٹ بینک کے مطابق سعودی عرب سے ایک ارب ڈالر کی امداد مل گئی ہے سعودی امداد گزشتہ ہفتہ پاکستان میں آنا تھی لیکن امداد گزشتہ کئی دن سے تاخیر کا شکا ر تھی سعودی امداد سے زرمبادلہ کے ذخائر میں اضافہ ہوگا جبکہ سعودی عرب نے تین ارب ڈالرز کی امداد کا اعلان کیا تھا ذرائع کا کہنا ہے کہ باقی دو ارب ڈالر آئندہ دو ماہ تک پاکستان کومل جائیگی جبکہ ڈیفر پیمنٹس خام تیل کی سپلائی آئندہ ماہ سے ہوگی ذرائع کا کہنا ہے کہ سعودی عرب کی جانب سے پاکستان کو کل 6 ارب ڈالر کا پیکج ملے گا جس میں سے 3 ارب ڈالر کی امداد ہے اور 3 ارب ڈالر کا ڈیفر پیمنٹس پٹرولیم مصنوعات کی فراہمی آئندہ ماہ سے شروع ہوگی ماہر معاشیات کے مطابق سعودی عرب کی جانب سے امداد سے پاکستان کے ریزورز میں بہتری آئیگی اور تجارتی خسارہ میں کمی کرنے میں بھی مدد ملے گی۔