پاکستان ڈے پریڈ میں حصہ لینے والا دستہ ہمارے لئے باعث فخر ہے، محمد عامر ذوالفقار

کارکردگی تاریخ میں سنہری الفاظ میں لکھی جائیگی، آئی جی پی اسلام آباد

پیر 25 مارچ 2019 19:30

اسلام آباد (اُردو پوائنٹ اخبارتازہ ترین - این این آئی۔ 25 مارچ2019ء) انسپکٹر جنرل آف پولیس محمد عامر ذوالفقارخان نے کہا ہے کہ پاکستان ڈے پریڈ میں حصہ لینے والا دستہ ہمارے لئے باعث فخر ہے،کارکردگی تاریخ کے سنہری الفاظ میں لکھی جائیگی ۔

(جاری ہے)

تفصیلات کے مطابق آئی جی پی اسلام آباد نے پاکستان ڈے پریڈ میں ایس پی ہیڈ کوارٹر محمد عامر خان نیازی کی سربراہی میں حصہ لینے والے اسلام آباد پولیس کے پریڈ دستے سے خطاب کیا اس موقع پر ڈی آئی جی سیکیورٹی وقار احمد چوہان، ڈی آئی جی آپریشنز وقار الدین سید،ایس ایس پی ٹریفک فرخ رشید،ایس ایس پی ہیڈ کوارٹرعرفان طارق اوراے آئی جی آپریشنز سردار غیاث گل بھی موجود تھے آئی جی اسلام آباد نے پاکستان ڈے پریڈ حصہ لینے والے اسلام آباد پولیس کے دستے کی شمولیت اور ان کی کارکردگی کو سراہا پریڈ دستے میں شامل تمام افسران و جوانوں کو تعریفی اسناد او رنقد انعامات بھی دیئے گئے اس موقع پر آئی جی اسلام آباد نے افسران و جوانوں کا مورال بلند کیا اور انھیں اس بہترین کارکردگی کو مزید بہتر بنانے کی نصیحت کی انھوں نے مزید کہا کہ آپ کی کارکردگی تاریخ کے سنہری الفاظ میں لکھی جائے گی آئی جی اسلام آباد نے اپنے خطاب کے دوران ایس پی ہیڈ کوارٹر عامر خان نیازی کی بہترین لیڈر شپ اور کمان پر بھی روشنی ڈالی۔