اپوزیشن دیاں ساریاں کسراں کڈ دیساں‘‘اعجاز شاہ

پیر 22 اپریل 2019 22:51

اسلام آباد(اُردو پوائنٹ اخبارتازہ ترین - آن لائن۔ 22 اپریل2019ء) وفاقی وزیر داخلہ اعجاز شاہ نے کہا ہے کہ اپوزیشن دیاں ساریاں کسراں کڈ دسیاں ۔ ان خیالات کا اظہار انہوں نے قومی اسمبلی کے اجلاس کے دوران کیا، اپوزیشن کی طرف اعتراض کیا گیا کہ وزیرداخلہ کی موجودگی میں سوالات کے جوابات متعلقہ وزارت سے ہی آنا چاہئے سوالات کے جوابات وزیر مملکت پارلیمانی امور کی طرف سے دیئے جا رہے تھے۔

تو ان حالات میں وفاقی وزیر برائے داخلہ اعجاز شاہ کھڑے ہوئے اور کہا کہ میں اپوزیشن کی ساریاں کسراں کڈ دیاں گا۔ اس پر اپوزیشن نے کہا کہ یہ سابق بریگیڈیئر ہیں اور یہ دھمکیاں دے رہے ہیں اسی دوران وفاقی وزیر برائے دفاع پرویز خٹک کھڑے ہوئے اور کہا کہ اپوزیشن سپیکر قومی اسمبلی کے ساتھ میٹنگ میں ایک بات طے کر کے آئے ہیں لیکن بعد میں اجلاس کے دوران اس پر عمل نہیں کرتے لیکن اب ایسے نہیں چلے گا یہ شور شرابہ نہیں چلنے دیں گے۔

(جاری ہے)

ممبر قومی اسمبلی رانا تنویر نے کہا کہ ہم وزیر داخلہ کو جانتے ہیں وہ ہمیں دھمکیاں دے رہے ہیں لیکن ہم اس طرح کی دھمکیوں سے ڈرنے والے نہیں ہیں اس پر وزیر داخلہ نے کہا کہ میں کسی کو دھمکی نہیں دے رہا صرف یہ کہا رہا ہوں کہ آپ کو ہر سوال کا جواب ملے گا اس کے بعد وہ بیٹھ گئے اور سپیکر قومی اسمبلی نے کہا کہ انہوں نے ابھی بریفنگ نہیں لی آپ لوگ تھوڑی سی گنجائش دیں وہ آئندہ سے تیاری کر کے آئیں گے۔