ٹریفک قوانین کی خلاف ورزی پر ایم این ایز، ایم پی ایز،سینیٹرز،آرمی و سرکاری آفیسرز اور غیر ملکی ڈپلومیٹس سمیت 585 وی آئی پیز کے خلاف کارروائی

منگل 15 اکتوبر 2019 23:48

اسلام آباد ۔ (اُردو پوائنٹ اخبارتازہ ترین - اے پی پی۔ 15 اکتوبر2019ء) اسلام آباد ٹریفک پولیس نے ٹریفک قوانین کی خلاف ورزی کرنے پر ایم این ایز، ایم پی ایز،سینیٹرز،آرمی آفیسرز،سرکاری آفیسرز، سینئیر پولیس آفیسرز اور غیر ملکی ڈپلومیٹس سمیت585وی آئی پیز کے خلاف قانون کے مطابق کارروائی کی۔ تفصیلات کے مطابق ٹریفک کے نظام کو مزید بہتر بنانے، ٹریفک کو رواں دواں رکھنے اور قانون کی پاسداری کو قائم رکھنے کیلئے اسلام آباد ٹریفک پولیس کی ٹر یفک قوانین کی خلاف ورزی کرنیوالوں کے خلاف بلا امتیاز قانونی کارروائی جاری ہے۔

اس سلسلے میں رواں سال اسلام آباد ٹریفک پولیس نے ٹریفک قوانین کی خلاف ورزی کرنے والی585وی آئی پیزکے خلاف قانونی کارروائی کی گئی، کارروائی کا بنیادی مقصد اسلام آباد میں ٹریفک کے نظام کو بہتر بنانا اور شہریوں کو تحفظ فراہم کرنا ہے۔

(جاری ہے)

ایس ایس پی ٹر یفک فرخ رشید نے کہا کہ تمام پولیس افسران بلا تفریق کارروائی عمل میں لا ئیں اور ٹر یفک قوانین کی خلا ف ورزی کر نے والوں کے ساتھ کسی قسم کی رعایت نہ بر تی جائے۔

انہوں نے کہا کہ قانون سب کے لئے برابر ہے جو ٹریفک قوانین کے خلاف ورزی کرے گا اس کے خلاف قانونی کارروائی کی جائے گی،کاروائی کا مقصدشہریوں کو سزا دینا ہرگز نہیں ہے بلکہ ہماری اولین ترجیح ہوتی ہے کہ اسلام آباد میں ٹریفک کو رواں دواں،شہریوں کو روڈ سیفٹی سے متعلق آگاہی،ٹریفک قوانین پر عملد رآمد کو بلا امتیاز کو یقینی بنایا جائے تاکہ شہری روڈ پر کسی بھی ناخوشگوار واقعہ سے بچ سکیں۔