غربت کا خاتمہ اور عوام کا سماجی تحفظ موجودہ حکومت کی سب سے اہم ترجیح ہے ، پاکستان بیت المال نے ملک بھر میں تخفیف غربت کے لئے مختلف سکیموں کا اجراء کیا ہے
پاکستان بیت المال کے منیجنگ ڈائریکٹر عون عباس بپی کی پریس کانفرنس
جمعرات 17 اکتوبر 2019 18:37
(جاری ہے)
انہوں نے کہا کہ وزیر اعظم عمران خان ملک کو ریاست مدینہ کی طرز پر فلاحی مملکت بنانے کے لئے ’’نیا پاکستان‘‘ کی بنیاد رکھی ہے جہاں عام آدمی بالخصوص معاشرے کے نظر انداز طبقات، نوجوانوں اور خواتین کو صحت، تعلیم، انصاف اور سماجی تحفظ کی یکساں سہولیات میسر ہوں۔
انہوں نے کہا کہ حکومت تخفیف کے غربت کے لئے مختلف اقدامات اٹھا رہی ہے اور وزیر اعظم عمران خان کی قیادت میں حکومت نے شہریوں کی فلاح و بہبود اور غریب طبقات کو مرکزی دھارے میںشامل کرنے کے لئے ایک جامع پلان دیا ہے جسے ’’احساس‘‘ کا نام دیا گیا ہے اور ملکی تاریخ میں یہ اپنی نوعیت کا پہلا پروگرام ہے جو عام آدمی کی مشکلات کو مدنظر رکھتے ہوئے تشکیل دیا گیا ہے۔ انہوں نے کہا کہ وزیر اعظم عمران خان نے ’’کامیاب جوان پروگرام‘‘ کا بھی اجراء کر دیا ہے جس سے ملک بھر ک نوجوانوں کی فلاح و بہبود میں مدد ملے گی۔ پاکستان بیت المال کے پروگراموں کے حوالے سے انہوں نے کہا کہ ایک برس میںپاکستان بیت المال کے زیر انتظام کفالت یتیمی کے حوالے سے پاکستان سویٹ ہومز کی تعداد 36 سے بڑھ کر 52ہو گئی ہے جبکہ ان میں زیر کفالت بچوں کی تعداد پانچ ہزار ہے، وزیر اعظم عمران خان کے وژن کے مطابق ہم نے یتیم بچوں کی کفالت کیلئے ایک سو کے قریب سنٹرز کا قیام عمل میں لانا ہے جن میں دس ہزار بچوں کی کفالت کی جائے گی۔ خواتین کی بااختیاری کے مراکز اور مستحق خاندانوں کے بالکل مفت علاج معالجہ میں بھی پاکستان بیت المال بھر پورمعاونت کر رہا ہے۔ انہوں نے کہا کہ پاکستان بیت المال غریب اور نادار عوام کو مفت رہائش، غذا، تعلیم، قانونی امداد اور مشاورت بھی فراہم کر رہا ہے۔ مینیجنگ ڈائریکٹر پاکستان بیت المال نے کہا کہ معاشرے کے ہر فرد کو اس معاملے میں معاونت کرنے کی ضرورت ہے اور مشکلات کو کم کرنے کے لئے ضروری اقدامات کا حصہ بننے کی ضرورت ہے۔ پاکستان بیت المال کے پروگراموں کے تحت موجودہ حکومت ملک بھر میں 157 خواتین کے بااختیاری مراکز بھی پاکستان بیت المال کے زیر انتظام چلا رہی ہے اور جلد پاکستان بیت المال خواتین کے لئے ایک منصوبے کا افتتاح کرے گی جہاں انہیں کاروبار کے لئے 50 ہزار روپے تک کے بلا سود قرضے دیئے جائیں گے۔ انہوں نے کہا کہ اس سے پہلے پنجاب میں ہمارا صرف ایک دفتر تھا جنوبی پنجاب میں دفتر قائم کیا جس میں پچیس ہزار کروڑ امداد غریب لوگوں کے علاج اور معیاری تعلیم جیسی ضرورتوں کو پورا کرنے کیلئے خرچ کی جائے گی۔ انہوں نے مزید کہا کہ پنجاب کے علاوہ گلگت میں بھی دفتر کھولا گیا ہے جہاں سکالر شپ و دیگر کاموں پر توجہ دی جا رہی ہے اور 1.43 ارب روپے خرچ کرکے کینسر کے مریضوں کا علاج کیا جا رہا ہے جبکہ بغیر کسی سفارش کے میرٹ کی بنیاد پر ایک ماہ کے اندر رقم کا حصول یقینی بنایا گیا ہے۔ انہوں نے کہا کہ اس کے علاوہ پبلک سیکٹر یونیورسٹیز سے بھی روابط کر کے ہر یونیورسٹی سے پچاس بچوں کے نام طلب کئے گئے ہیں جن کو میرٹ کی بنیاد پر سکالر شپ فراہم کی جائے گی جس پر 31 یونیورسٹیوں کی جانب سے جواب موصول ہوئے ہیں۔ عون عباس بپی نے کہا کہ ایسے بچے جن کی قوت سماعت کمزور ہے یا وہ سن نہیں سکتے اگر ان کو پانچ سال کی عمر میں کان کے پیچھے آلہ لگا دیا جائے تو وہ بولنے اور سننے کے قابل بن سکتے ہیں جبکہ اس آلہ سماعت اور علاج پر کل اخراجات فی بچہ 12 سے 16 لاکھ تک آتے ہیں اس حوالے سے موبائل ایپ بھی متعارف کرائی گئی ہے جس پر 150 کے قریب بچوں نے علاج و آلہ سماعت کیلئے درخواستیں جمع کرائیہیں اور پہلے بچے کا علاج بھی مکمل ہو چکا ہے جس پر بارہ لاکھ کا خرچہ آیا ہے۔ عون عباس بپی نے کہا کہ اس سارے مشن کو مکمل کرنے میں میرے تمام دوستوں نے بھر پور تعاون کیا جبکہ بین الاقوامی ڈونرز کا بھی اہم کردار ہے، چین کے تعاون سے گزشتہ عرصے میں معذور افراد میں وہیل چیئرز بانٹی گئیں جبکہ ان وہیل چیئرز کے یکساں ہونے کی وجہ سے بہت سارے لوگوں کو نقصان بھی ہوا اورہڈیوں کے سکڑنے جیسی امراض کا سامنا کرنا پڑا اس حوالے سے کسٹم وہیل چیئرز متعارف کروائی جارہی ہیں جو ہر آدمی کے لحاظ سے قد اور جسمانی حصوں کو مد نظر رکھتے ہوئے تیارکی جا ئے گا اور اس حوالے سے بھی موبائل ایپ متعارف کروادی گئی ہے۔ انہوں نے کہا کہ اس منصوبے کیلئے اب تک دس کروڑ روپے کی رقم بھی جمع ہو چکی ہے، یتیم بچیوں کے حوالے سے بات کرتے ہوئے کہا کہ اٹھائیس ہزار بچیوں کیلئے چالیس سے زائد لیب بنائے گئے ہیں جن میں بچیوں کو آئی ٹی و دیگر فنی تعلیمات فراہم کی جائیں گی۔ عون عباس بپی نے کہا کہ پاکستان بیت المال ملائشیا میں پھنسے بہت سے پاکستانیوں کو چار کروڑ سے زائد کی رقم خرچ کر وطن واپس لایا ہے جبکہ پاکستان میں بھی مختلف جیلوں میں قید لوگوں کے جرمانے ادا کر کے انہیں رہا کروایا گیا، ادارے میں آنے والی ہر درخواست کو باریکی سے پرکھا جاتا ہے اور اس پر کام کیا جاتا ہے۔ انہوں نے کہا کہ بلوچستان میں واشوک میں بھی دفتر بنایا گیا ہے تاکہ وہاں کے لوگوں کو تعلیم اور صحت کے حوالے سے درپیش مسائل کے حل کیلئے امداد فراہم کی جائے۔ عون عباس بپی نے کہا کہ آج ایک سال مکمل ہونے پر خوشی ہے کہ پہلی کانفرنس نیشنل پریس کلب میں منعقد ہوئی، ہر شہر کا پریس کلب مادر صحافت کا درجہ رکھتا ہے اور میڈیا کا پاکستان بیت المال کے ساتھ ایسا رشتہ ہے کہ کبھی میڈیا نے منفی خبر شائع نہیں کی جس پر بیت المال میڈیا کا بے حد مشکور ہے اور میڈیا سے وابستہ لوگوں کیلئے بھی مثبت سوچ رکھتا ہے۔ انہوں نے کہا کہ میڈیا سے منسلک ایسے افراد جن کے خاندان میں کوئی علاج معالجہ یا تعلیمی مسائل کا شکار ہو ان کیلئے خصوصی اقدام کئے جائیں گے اور بغیر کسی تاخیر ان کی امداد کو یقینی بنایا جائے گا۔متعلقہ عنوان :
اسلام آباد میں شائع ہونے والی مزید خبریں
پاکستان سمیت دنیا بھر میں ملیریا کا عالمی دن منایا گیا
بزنس کمیونٹی ملکی معیشت کی بہتری کیلئے حکومتی فیصلوں کو قدر کی نگاہ سے دیکھتی ہے،صدر اسلام آباد چیمبر
مختلف دریاؤں اور آبی ذخائر میں پانی کی آمد و اخراج کے اعدادوشمار
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد ..
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدر مملکت کا ملیریا کے ..
شیر افضل مروت کی حفاظتی منظور،پنجاب پولیس کو گرفتاری سے روک دیاگیا
اسلام آباد پولیس کا جی 13 میں گرینڈ سرچ اینڈ کومبنگ آپریشن
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر ..
وزیر اعظم نے چیف کمشنر اسلام آباد کیپٹن (ر) انوارالحق کو عہدے سے ہٹا دیا
ایران کے صدر کا دورہ پاکستان بہت بڑی پیشرفت تھی،خواجہ آصف
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
اسلام آباد سے متعلقہ
پاکستان کی تازہ ترین خبریں
-
’ان کرداروں کو اکٹھا دیکھ کر عوام کی نفرت میں اضافہ ہی ہوتا ہے‘
-
وزیراعظم شہباز شریف کل شہید کسٹمز انسپکٹر سید حسنین علی ترمذی کے اہل خانہ سےملاقات کے لئے ایبٹ آباد جائیں گے
-
سولر پینلز کی بے تحاشا انسٹالیشن،حکومت نے نیٹ میٹرنگ نرخ گرانے کی تیاری کرلی
-
برائلر گوشت کی قیمت میں مزید14روپے کلو کمی
-
مرد ڈاکٹرز کے مقابلے خواتین ڈاکٹرز بہتر اور بر وقت علاج کرتی ہیں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
وزیر اعظم نے چیف کمشنر اسلام آباد کیپٹن (ر) انوارالحق کو عہدے سے ہٹا دیا
-
گجرات میں ہسپتال کی چھت گرنے پر وزیراعلیٰ کا سخت ایکشن
-
ایران کے صدر کا دورہ پاکستان بہت بڑی پیشرفت تھی،خواجہ آصف
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم