عمران خان نے آتے ہی عام آدمی کی زندگی سہل کرنے کیلئے سٹیزن پورٹل کا اجراء کیا، اعظم سواتی

لاکھ میں سے 12لاکھ شکایات کا ازالہ ہو چکا ہے، سمگلنگ بند کرکے انڈسٹریل سیکٹر کو اوپر لے کر جائیں گے، وفاقی وزیر پارلیمانی امور وزیر مملکت علی محمد خان کے ہمراہ پریس کانفرنس

بدھ 23 اکتوبر 2019 20:04

اسلام آباد (اُردو پوائنٹ اخبارتازہ ترین - این این آئی۔ 23 اکتوبر2019ء) وفاقی وزیر پارلیمانی امور اعظم سواتی نے کہا ہے کہ عمران خان نے آتے ہی عام آدمی کی زندگی سہل کرنے کیلئے سٹیزن پورٹل کا اجراء کیا، عوامی شکایات کا ازالہ کرنے کے لئے ہمیں سخت پابند کیا گیا،تیرہ لاکھ میں سے بارہ لاکھ شکایات کا ازالہ ہو چکا ہے، ،سمگلنگ بند کرکے انڈسٹریل سیکٹر کو اوپر لے کر جائیں گے۔

بدھ کو وفاقی وزیر پارلیمانی امور اعظم سواتی نے وزیر مملکت علی محمد خان کے ہمراہ پریس کانفرنس کرتے ہوئے ہوئے کہا کہ عمران خان نے آتے ہی عام آدمی کی زندگی سہل کرنے کے لئے سٹیزن پورٹل کا اجراء کیا۔ انہوں نے کہا کہ لوگوں کو سٹیزن پورٹل کے ذریعے ریلیف دیا جارہا ہے ۔ انہوں نے کہا کہ عوامی شکایات کا ازالہ کرنے کے کیے ہمیں سخت پابند کیا گیاہے۔

(جاری ہے)

انہوں نے کہا کہ تیرہ لاکھ میں سے بارہ لاکھ شکایات کا ازالہ ہو چکا ہے، اعظم سواتی نے کہاکہ ہم نے سمگلنگ بند کرکے انڈسٹریل سیکٹر کو اوپر لے کر جائیں گے۔ وزیر مملکت علی محمد خان نے کہا کہ عام آدمی کیلئے بے پناہ مسائل ہیں ہم نے ان کو سہل بنانا ہے،جب پاکستان بھر سے ہمارے پاس درخواستیں اکٹھی ہوگئی تو ہم خود مختلف صوبوں میں گئے اور ازالہ کیا۔ انہوں نے کہاکہ جب ہم شکایات کے ازالے کیلئے کوئٹہ گئے تو وہاں کے لوگ بہت خوش ہوئے۔ انہوں نے کہا کہ ہم کوشش کریں گے آپ کا وزیراعظم آپ کی شکایات سنے۔