مقبوضہ کشمیر کی آبادی کے تناسب کو تبدیل کرنے سے مسئلہ کشمیر میں مزید پیچیدگی پیدا ہوگی کیونکہ بھارت دوطرفہ مذاکرات کے تمام ذرائع بند کرکے دنیا کے سامنے جھوٹ بول رہا ہے، صدرآزاد جموں و کشمیر مسعود خان

ہفتہ 26 ستمبر 2020 02:11

اسلام آباد ۔ (اُردو پوائنٹ اخبارتازہ ترین - اے پی پی۔ 26 ستمبر2020ء) آزاد جموں و کشمیر کے صدر مسعود خان نے کہا ہے کہ مقبوضہ کشمیر کی آبادی کے تناسب کو تبدیل کرنے سے مسئلہ کشمیر میں مزید پیچیدگی پیدا ہوگی کیونکہ بھارت دوطرفہ مذاکرات کے تمام ذرائع بند کرکے دنیا کے سامنے جھوٹ بول رہا ہے۔

(جاری ہے)

جمعہ کو نجی ٹی وی چینل سے گفتگو کرتے ہوئے انہوں نے کہا کہ بی جے پی کی حکومت کی جانب سے مقبوضہ وادی کی آبادی کی حیثیت تبدیل کرنے اور مقامی کشمیریوںکو معاشی حقوق سے محروم کرنے کے مکروہ منصوبہ سے مقبوضہ کشمیرکی صورتحال مزید خراب ہوگی، بھارت نے بہار ،یو پی آسام اور دیگر ریاستوںکے لوگوں کو مقبوضہ کشمیر میں آباد کرنے ،ان کے لئے روزگار کے 50 ہزار مواقع مہیا کرنے اور کشمیریوںکی زمینوں پر قبضہ کرنے کی سازش تیار کی ہے ۔

انہوں نے کہا کہ مسئلہ کشمیر پر عالمی برادری کی حمایت ہمارے لئے باعث فخر ہے اور ضروری ہے کہ ہم بحثیت قوم بھارتی عزائم کے خلاف متحد ہوں ۔انہوں نے کہا کہ مقبوضہ کشمیر کے عوام بھارتی تسلط سے آزادی کے لئے 1947 سے جدو جہدکررہے ہیں جو پاکستان کے ساتھ رہنا چاہتے ہیںجنہوں نے آزادی کے لئے بڑی قربانیاں دی ہیں، بھارت نے کشمیری قیادت کو جیلوں میں قید کیا ہے اور ہزاروں افراد کو جبری لاپتہ کیا ہے ۔