ْ ریلوے کے منصوبوں پر حکام نیب کے ڈر کی وجہ سے کام نہیں کررہے ، سیکرٹری ریلوے کا اعتراف

ریلوے میں زیادہ ترحادثات میں قیمتی جانیں بوسیدہ سگنل سسٹم کی وجہ سے ہر سال ضائع ہوتی ہیں،قومی اسمبلی کی قائمہ کمیٹی برائے ریلوے میںانکشاف

منگل نومبر 23:31

اسلام آباد(اُردو پوائنٹ اخبارتازہ ترین - این این آئی۔ 24 نومبر2020ء) قومی اسمبلی کی قائمہ کمیٹی برائے ریلوے میں سیکرٹری ریلوے نے اعتراف کیا ہے کہ ریلوے کے منصوبوں پر حکام نیب کے ڈر کی وجہ سے کام نہیں کررہے ہیں ۔ریلوے کے سگنل سسٹم کے جدید کرنے کے منصوبہ پر ریلوے افسران نیب کی ڈر کی وجہ سے کام نہیں کررہے ہیں۔ریلوے میں زیادہ ترحادثات میں قیمتی جانیں بوسیدہ سگنل سسٹم کی وجہ سے ہر سال ضائع ہوتی ہیں ۔

منگل کو قومی اسمبلی کی قائمہ کمیٹی برائے ریلوے کا اجلاس وزارت ریلوے اسلام آباد میںچیئر مین کمیٹی معین وٹو کی صدارت میں ہوا ۔

(جاری ہے)

کمیٹی میں سیکرٹری ریلوے حبیب الرحمن گیلانی سے سیگنل سسٹم کو بہتر کے کے منصوبہ پر پیش رفت کے حوالے سے ارکان کمیٹی نے سوال کیا جس پر انہوں نے انکشاف کیا کہ ریلوے افسران نیب کے ڈر کی وجہ سے اس منصوبہ پر کام نہیں کررہے ہیں انہوں نے انتہائی بے بسی کی عالم میں کمیٹی کو بتایا کہ کام شروع کیسے کریں ، کام شروع ہوتے ہی نیب والی آ جاتے ہیں ریلوے کے اشاروں کا نظام نیب کے خوف سے تاحال مکمل نہیں ہوسکا، نیب سے ملاقات کی ہے اب انہوں نے کچھ تسلی دی ہے تو اب اشارے لگانا شروع کردیئے ہیں نیب کے اطمینان دلانے کے بعد سگنلز کی بحالی ہر کام شروع ہو گیا ہے، واضح رہے کہ ہرسال سگنل کے بوسیدہ نظام کی وجہ سے ریلوے حادثات میں قیمتی جانیں ضائع ہوجاتی ہیں ۔

اسلام آباد شہر میں شائع ہونے والی مزید خبریں:

Your Thoughts and Comments