موسم سرما میں گیس کی فراہمی میں خلل نہیں آئے گا، پیٹرولیم ڈویژ ن کی یقین دہانی

سردیوں میں گھریلو اور صنعتی شعبے کو ترجیحی بنیادوں پر گیس فراہمی یقینی بنائے، کابینہ کمیٹی کی ہدایت

جمعرات نومبر 22:31

اسلام آباد (اُردو پوائنٹ اخبارتازہ ترین - این این آئی۔ 26 نومبر2020ء) پیٹرولیم ڈویڑن نے موسم سرما میں گھریلو اور برآمدی صنعتوں کو گیس کی فراہمی میں خلل نہ آنے کی یقین دہانی کروادی۔ وفاقی وزیر منصوبہ بندی اسد عمر کی کی زیرِ صدارت کابینہ کی توانائی کمیٹی کا اجلاس ہوا۔ اس حوالے سے جاری کردہ اعلامیے کے مطابق اجلاس میں موسمِ سرما کے لیے گیس کی لوڈمینیجمنٹ پر بات چیت کی گئی۔

اجلاس میں پٹرولیم ڈویژن نے گیس لوڈمینیجمنٹ کی سمری پیش کی۔

(جاری ہے)

اس حوالے سے بریفنگ دیتے ہوئے بتایا گیا کہ موسم سرما میں گھریلو اور برآمدی صنعتوں کو گیس فراہمی میں خلل نہیں آئے گا۔کابینہ کمیٹی نے وزارتِ پٹرولیم کو ہدایت دی کہ سردیوں میں گھریلو اور صنعتی شعبے کو ترجیحی بنیادوں پر گیس فراہمی یقینی بنائے۔اعلامیے کے مطابق پٹرولیم ڈویژن نے اجلاس کو سردیوں میں اضافی گیس پلان پر اقدامات سے بھی آگاہ کیا۔اجلاس میں کمیٹی کو سردیوں میں ایل این جی کے زیادہ سے زیادہ استعمال کے پلان پر بھی بریفنگ دی گئی۔کمیٹی نے گیس چوری اور کمپریسرز کے غیر قانونی استعمال کی روک تھام کی ہدایت کی۔

اسلام آباد شہر میں شائع ہونے والی مزید خبریں:

Your Thoughts and Comments