اسلام آباد،تھانہ کھنہ کے علاقہ میں منشیات فروش کا منشیات فروشی کرنے کی ویڈیو وائرل کا معاملہ

ایس ایس پی آپریشنز کانوٹس ،منشیات فروش کی فوری گرفتاری حکم ،پولیس ٹیم نے ملزم کو ٹریس کرکے گرفتار کرلیا

ہفتہ 31 جولائی 2021 22:20

اسلام آباد(اُردو پوائنٹ اخبارتازہ ترین - این این آئی۔ 31 جولائی2021ء) تھانہ کھنہ کے علاقہ میں منشیات فروش کا منشیات فروشی کرنے کی ویڈیو وائرل کے معاملہ پر ایس ایس پی آپریشنز ڈاکٹر سید مصطفی تنویر نے نوٹس لیتے ہوئے منشیات فروش کی فوری گرفتاری حکم دیا جس پر ایس پی رورل زون نوشیروان علی کی زیر نگرانی تھانہ کھنہ پولیس ٹیم نے ملزم منشیات فروش جنید ولد محمد ناظم محلہ حکمداد راولپنڈی کو ٹریس کرکے گرفتار کرلیا۔

ملزم کے قبضہ سے 1100گرام چرس برآمد کرکے مقدمہ درج کرلیا۔

(جاری ہے)

ملزم سابقہ ریکارڈ یافتہ ہے، مزید تفتیش جاری ہے۔ایس ایس پی آپریشنز نے کہا کہ آئی جی اسلام آباد قاضی جمیل الرحمان کے خصوصی احکامات پر ضلع بھر میں منشیات فروشوں کے خلاف بڑا آپریشن کیا جارہا ہے اور اسلام آباد پولیس نے اس ناسور کے خلاف اعلان جنگ کیا ہے، یہ ایسی لعنت ہے جو ہماری نسل کے مستقبل کو تباہ کررہی ہے ایسے گھناونے کاروبار میں ملوث عناصر کا خاتمہ کیا جائے گا، اسلام آباد پولیس کی ٹیمیں اس سلسلہ میں بڑا آپریشن کررہی ہیں، ہم ان شہریوں کا بھی تہہ دل سے شکریہ ادا کرتے ہیں جو اس فریضہ میں اپنی پولیس کا ساتھ دے رہے ہیں۔