یورپی یونین کاافغانستان میں قیام امن اور اپنے باشندوں کے محفوظ انخلا کیلئے پاکستان کے اہم کردار کا اعتراف
بھارت کے غیرقانونی زیرقبضہ جموں و کشمیر سمیت ہر جگہ پر انسانی حقوق کا احترام کیا جائے، پاکستانی ساز وسامان کی پہلی منزل یورپی یونین ہے،کابل میں حکومت جامع ہونی چاہئے جس میں خواتین کو بھی نمائندگی دی جانی چاہئے، ملک میں کسی بھی انسانی بحران سے بچنے کیلئے افغانستان کو امداد فراہم کرتے رہیں گے،پاکستان میں یورپی یونین کی سفیر کا انٹرویو
ہفتہ 25 ستمبر 2021 23:17
(جاری ہے)
انہوں نے کہا کہ گزشتہ چند ہفتوں کے دوران یورپی یونین کے نمائندوں اور یورپی یونین کے ملکوں کی شخصیات نے پاکستانی حکام کے ساتھ متعدد ملاقاتیں کی ہیں جن میں زیادہ ترافغانستان میں پیدا ہونے والی صورتحال پرتبادلہ خیال کیا گیا۔
اینڈرولا کامینارا نے پاکستان کے اس اعلان کو سراہا کہ کابل میں حکومت جامع ہونی چاہئے جس میں خواتین کو بھی نمائندگی دی جانی چاہئے۔یورپی یونین کی سفیر نے کہا کہ یورپی اتحادطالبان کی جانب سے کابل کا کنٹرول سنبھالنے کے بعد سے خطے میں ہونے والی تبدیلیوںپر گہری نظر رکھے ہوئے ہے۔انہوں نے کہا کہ یورپی یونین افغانستان میں انسانی حقوق اور جامع حکومت کے حوالے سے دلچسپی رکھتاہے اورملک چھوڑنے کے خواہشمند یورپی یونین کے شہریوں اورافغان باشندوں کا انخلا چاہتا ہے۔انہوں نے کہا کہ یورپی یونین نے اس برس کے آغاز سے اب تک افغانستان کو امداد کی مد میں پانچ کروڑ ستر لاکھ یورو فراہم کئے ہیں،اس کے علاوہ یورپی اتحاد نے اس رقم کوچارگنا کرنے کااعلان کیا اور گزشتہ ہفتے جنگ سے تباہ حال ملک کیلئے اضافی دس کروڑ یورو کا اعلان کیا گیا۔یورپی یونین کی سفیر نے کہا کہ ہم ملک میں کسی بھی انسانی بحران سے بچنے کیلئے افغانستان کو امداد فراہم کرتے رہیں گے تاہم انہوں نے اس مرحلے پر یورپی یونین کی جانب سے طالبان کی حکومت کو تسلیم کرنے کو خارج ازامکان قراردے دیا۔اینڈرولاکامینارا نے بھارت کے غیرقانونی زیرقبضہ جموں و کشمیر کے مسئلے پر کہا کہ یورپی یونین نے ہمیشہ کہا ہے کہ ہم دونوں ممالک کی حوصلہ افزائی کر رہے ہیں کہ مسئلے کو باہمی طور پر حل کرنے کیلئے کوششیں جاری رکھیں۔یورپی یونین کی سفیر نے کہا کہ ہمیں یہ دیکھ کر انتہائی حوصلہ ملا کہ گزشتہ برسوں کی نسبت لائن آف کنٹرول پر بہت کم خلاف ورزیاں ہوئیں یہ حوصلہ افزا بات ہے جو تنازع کے حل کیلئے فریقین میں مزید ہم آہنگی کی راہ ہموار کر سکتی ہے۔انہوں نے کہا کہ ہم کسی بھی جگہ پر انسانی حقوق کی خلاف ورزیوں کیخلاف ہیں۔پاکستان کے ساتھ دوطرفہ تعلقات کی موجودہ صورتحال کا ذکر کرتے ہوئے یورپی یونین کی سفیر نے کہا کہ پاکستان کے ساتھ تعلقات کثیرجہتی ہیں اورہم متعدد معاملات پرکام کر رہے ہیں۔پاکستان سے دوطرفہ تعلقات کی موجودہ صورتحال کے حوالے سے سفیر نے کہا کہ پاکستان کے ساتھ ہمارے کثیرجہتی تعلقات ہیں اور ہم بہت سے امور پر کام کر رہے ہیں۔انہوں نے کہا کہ ہم عالمی سطح پر موسمیاتی تبدیلی کے بارے میں پاکستان کے ساتھ کام کر رہے ہیں۔انہوں نے کہاہم دوسروں کے ساتھ تجارت اورکاروبار کے معاملات پر کام کرتے ہیں۔اینڈرولاکمینارا نے کہا کہ پاکستان کو دیئے گئے جی ایس پی پلس درجے کی وجہ سے یورپی یونین پاکستانی مصنوعات کے لئے اولین اہمیت کاحامل مقام ہے۔ انہوں نے کہا کہ دوہزار انیس کے دوران پاکستان نے یورپی یونین کی منڈی کوساڑھے سات ارب یورو کی پاکستانی مصنوعات برآمدکیں۔انہوں نے کہا کہ یورپی یونین چھوٹے اور درمیانے درجے کی صنعتوں کے شعبے میں پاکستان کی معاونت کر رہی ہے تاکہ برآمدات میں ان کاحصہ بڑھے۔ ہم نے حال ہی میں ایس ایم ایز کیلئے یورپی یونین پاکستان بزنس فورم قائم کیا ہے تاکہ انہیں یورپ میں اپنے ہم منصبوں کے ساتھ رابطے میں سہولت ہو۔سکیم کی وضاحت کرتے ہوئے اینڈرولاکمینارا نے کہا کہ جی ایس پی پلس درجے کے ذریعے پاکستان دوہزار چودہ سے یورپی یونین کو مصنوعات برآمد کر رہا ہے اور یورپی یونین میں اس کی مصنوعات پر کوئی درآمدی ڈیوٹی نہیں لگائی گئی۔انہوں نے کہا کہ جی ایس پی پلس درجے کے طور پر پاکستان اقوام متحدہ کے 27ویں کنونشن کی اصلاحات پر کاربند ہے۔انہوں نے کہا کہ پاکستان نے ان میں سے کئی کنونشنز پر دستخط کر رکھے ہیں۔انہوں نے کہا کہ ہم معلومات حاصل کر رہے ہیں اور جی ایس پی پلس درجے کا آئندہ جائزہ رواں سال کے آخر تک متوقع ہے۔ایمبسیڈر اینڈرولاکمینارا نے کہا کہ یورپی یونین نے انتخابی امور پر پاکستان سے بھرپور تعاون کیا ہے اور اس نے گزشتہ تین انتخابات میں انتخابی مبصرین بھیجے۔انہوں نے کہا کہ یورپی یونین کے مبصرین کی بعض تجاویز پر پاکستان نے عملدرآمد کیا ہے۔تاہم اب بھی بعض معاملات زیرالتوا ہیں۔انہوں نے کہا کہ یورپی یونین دوسرے منصوبوں پر بھی پاکستان سے تعاون کر رہی ہے اور ہم نے بلوچستان میں واٹرمینجمنٹ کے لئے چار کروڑ یورو کے پروگرام پردستخط کئے ہیں۔منصوبے کا مقصد صوبے میں پانی کے ضیاع کی روک تھام ہے۔اینڈرولاکمینارا نے کہا کہ یورپی یونین اور پاکستان کے درمیان سٹریٹجک تعاون منصوبے پر دستخط کے بعد ثقافتی وفود کے تبادلے، تعلیم، انفارمیشن ٹیکنالوجی اور علم کے تبادلے جیسے شعبے شامل کئے گئے ہیں۔انہوں نے کہا کہ یونین کے ERASMUS پروگرام کے تحت دنیا بھر کے طلبا کو وظائف کی پیشکش کی گئی ہے۔ انہوں نے کہا کہ دو سال قبل پاکستان کو ماسٹر اور پی ایچ ڈی کیلئے ایک و سکالرشپ دیئے گئے۔سفیر نے کہا کہ ہمارے پاس ملکوں کا کوٹہ نہیں ہوتا اور دنیا بھر سے درخواست دینے والے بہترین طلبا کو سکالر شپ دیئے جاتے ہیں۔انہوں نے کہا کہ پاکستان ERASMUS سکالرشپ حاصل کرنے والا دنیا کا تیسرا کامیاب ترین ملک ہے اور پاکستان بھر سے کئی یونیورسٹیاںنئے نصاب اور تربیت کے آغاز کے لئے ERASMUS پلس پروگرام میں شامل ہو رہی ہیں۔پاکستان کے اعلی تعلیم کے اداروں کو تدریس کے نئے شعبوں میں تربیت کے لئے فنڈز فراہم کئے جا رہے ہیں۔سفیر نے کہا کہ یورپی یونین اور پاکستان انسداد دہشت گردی کے کئی منصوبوں میں بھی قریبی تعاون کر رہے ہیں۔انہوں نے کہا کہ ہم پاکستانی سکیورٹی عملے کو آلات کے علاوہ تربیت بھی فراہم کر رہے ہیں۔یورپی یونین کی سفیر نے کہا کہ یورپی بلاک نے غربت، قدرتی آفات اور اس طرح کے دیگر شعبوں میں درپیش مسائل کے حل کے لئے پاکستان سے تعاون اور اس کی مدد کی۔یورپی یونین نے ماضی میں سیلاب اور دوسری ناگہانی آفات کے دوران بھی پاکستان کو امداد فراہم کی۔متعلقہ عنوان :
اسلام آباد میں شائع ہونے والی مزید خبریں
کاروباری مرکز بلیو ایریا کے پٹرول پمپ کے سامنے آئل ٹینکر میں لگی آگ پر قابو پالیا گیا
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی ..
اسلام آباد ہائی کورٹ کا حج پر جانے والوں کو مکمل سہولیات فراہم کرنے کا حکم
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
سپریم کورٹ نے جاسوسی کے مبینہ ملزم کی درخواست ضمانت خارج کردی
پارلیمنٹ ہاؤس کی مسجد سے 20 سے زائد نمازیوں کے جوتے چوری
سی این جی سپلائی پرسیلز ٹیکس میں اضافہ کر دیا گیا
ایرانی صدر ڈاکٹر ابراہیم رئیسی کی سکیورٹی ٹیم پاکستان پہنچ گئی
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ..
پاکستان میں بارشوں کاحالیہ سلسلہ 22 اپریل تک وقفے وقفے سے جاری رہنے کا امکان
صدر آزاد کشمیر بیرسٹر سلطان محمود چوہدری اپنے صدارتی مشیر برائے امریکہ سردار عرفان تصدق خان کی والدہ ..
اسلام آباد سے متعلقہ
پاکستان کی تازہ ترین خبریں
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی