حکومت پاکستان کا سابق چیف جج رانا شمیم کا نام ای سی ایل میں ڈالنے کا فیصلہ

رانا محمد شمیم کوہائیکورٹ کیسامنے توہین عدالت کی کارروائی کا سامنا ہے، خدشہ ہے رانا شمیم ملک سے فرار ہوسکتے ہیں، مراسلہ

منگل 7 دسمبر 2021 23:19

اسلام آباد (اُردو پوائنٹ اخبارتازہ ترین - این این آئی۔ 07 دسمبر2021ء) حکومت پاکستان نے ملک سے فرار ہونے کے خدشے کے پیش نظر سابق چیف جج راناشمیم کا نام ای سی ایل میں ڈالنے کا فیصلہ کرلیا۔تفصیلات کے مطابق حکومت پاکستان نے سابق چیف جج راناشمیم کا نام ای سی ایل میں ڈالنے کا فیصلہ کرلیا اس حوالے سے ایڈووکیٹ جنرل اسلام آباد نے چیف کمشنر اسلام آباد کو مراسلہ لکھ دیا ہے۔

(جاری ہے)

مراسلے میں کہا کہ رانا محمد شمیم کوہائیکورٹ کیسامنے توہین عدالت کی کارروائی کا سامنا ہے، خدشہ ہے کہ رانا شمیم ملک سے فرار ہوسکتے ہیں۔ایڈووکیٹ جنرل اسلام آباد کی جانب سے مراسلے میں کہا گیا کہ درخواست ہے رانا شمیم کانام ای سی ایل میں ڈالنے کیلئیکارروائی شروع کریں، رانا شمیم کیس کی اگلی سماعت 13 دسمبر کو ہے ، فوری نام ای سی ایل میں ڈالا جائے۔یاد رہے گذشتہ روز اسلام آباد ہائی کورٹ نے سابق چیف جج گلگت بلتستان رانا شمیم کا نام ای سی ایل میں ڈالنے کی درخواست ناقابل سماعت قرار دیتے ہوئے مسترد کردی تھی۔چیف جسٹس نے ریمارکس دیے کہ معاملہ توہین عدالت کا ہے، ای سی ایل میں نام ڈالنا حکومت کا کام ہے، کرپشن اور دیگر معاملات میں نہیں جانا۔