اسلام آباد میں کورونا تیزی سے پھیلنے لگا، 6 سیکٹرز کی 24 گلیاں سیل

ہفتہ 22 جنوری 2022 12:25

اسلام آباد (اُردو پوائنٹ اخبارتازہ ترین - این این آئی۔ 22 جنوری2022ء) وفاقی دارالحکومت اسلام آباد میں کورونا تیزی سے پھیلنے لگا، 6 سیکٹرز کی 24 گلیاں سیل کر دی گئیں ۔ضلعی انتظامیہ نے مختلف سیکٹرز کی 24 گلیوں کو اسمارٹ لاک ڈاون کے ذریعے سیل کر دیا ہے۔

(جاری ہے)

اسلام آباد کے سیکٹر جی 6 فور اسٹریٹ نمبر 52، 59،56، 79 اور 80 سیل، سیکٹر ایف 10 فورکی اسٹریٹ 53،52،50 ، سیکٹر ایف 11 ٹو کی اسٹریٹس 23،21 اور 28 ، سیکٹر جی 11 ٹو کی اسٹریٹس 21،15 اور 46 ، سیکٹر ایف 8 ون کی اسٹریٹس 31، 36، 37، 38، 42 اور 44 ، سیکٹر ایف 8 تھری کی اسٹریٹس 5، 6، 10 اور 11 سیل کر دی گئیں ،ضلعی انتظامیہ کے مطابق مختلف سیکٹرز کی ان گلیوں کو جمعے اور ہفتے کی درمیانی شب رات 12 بجے سیل کیا گیا۔

ادھر وفاقی دارالحکومت اسلام آباد کے بارہ تعلیمی اداروں میں کورونا کے 50 نئے کیس رپورٹ ہوگئے۔ ڈی ایچ او نے کورونا کیسز والے تمام تعلیمی ادارے فوری بند کرنے کیلیے انتظامیہ کو خط لکھ دیا۔ او پی ایف گرلز کالج ایف ایٹ ٹو میں 18 جب کہ ماڈل کالج فار گرلز آئی ٹین فورمیں 9 کیس رپورٹ ہوئے۔ ایک ہفتے میں اسلام آباد کے 35 تعلیمی اداروں میں کورونا کے 100 سے زائد کیس رپورٹ ہوچکے ہیں۔