قومی فٹ بال ٹیم دوحہ پہنچ گئی، 26 دسمبر تک اپنے دورے کے دور ان چار میچ کھیلے گی

بدھ 12 دسمبر 2018 13:10

اسلام آباد (اُردو پوائنٹ اخبارتازہ ترین - این این آئی۔ 12 دسمبر2018ء) قومی فٹ بال ٹیم دوحہ پہنچ گئی، قومی ٹیم 26 دسمبر تک اپنے دورے کے دور ان چار میچ کھیلے گی ۔شیڈول کیک مطابق پہلا مقابلہ یمن کی قومی ٹیم کے ساتھ ہوگا، عراق کی قومی انڈر 23، قطر کی قومی آرمی کلب اور افغانستان کی انڈر 23 کیساتھ میچز بھی شیڈول کیے گئے پاکستانی سکواڈ میں قومی سینئر ٹیم کے 12 کھلاڑیوں کے ساتھ جونیئرز کو بھی شامل کیا گیا ہے، نوجوان کھلاڑیوں کو اے ایف سی انڈر23 چیمپئن شپ کی تیاری کا اچھا موقع دینے کے لیے سکواڈ کا حصہ بنایا گیا ہے، سینئرز کو آئندہ سال ہونے والے ورلڈ کپ کوالیفائرز سے قبل اپنا کھیل نکھارنے کا موقع ملے گا۔

منتخب پلیئرز میں احسان اللہ، وسیم اصغر، عدنان یعقوب، زین العابدین، یوسف احمد، علی عزیر محمود، حبیب الرحمن،ارسلان علی، عمر حیات، علی خان، محمد ریاض، عبدالباسط، مہدی حسن، زید عمر، منصور خان، محمد بلال، محمد عثمان، محمد فہیم، احمد فہیم، امیر علی، ثاقب حنیف، نوید احمد، محمود خان، سعداللہ، صدام حسین، دانیال محمد، عبد اللہ قاضی، حسن بشیر، رجب علی الرازق مشتاق شامل ہیں۔

(جاری ہے)

ٹیکنیکل ڈائریکٹر شہزاد انور، ہیڈ کوچ انتونیو ناگورا، اسسٹنٹ کوچ محمد حبیب، محمد عیسی، گول کیپر کوچ جعفر خان، فزیو محمد اسلم، ڈاکٹر عدنان اور ٹرینر بیٹو پورٹیلا بھی ہمراہ ہیں۔