فیڈرل بورڈ انٹر کالجیٹ گرلز نیٹ بال چمپئن شپ فوجی فائونڈیشن کالج فار گرلز نے جیت لی

جمعرات 28 اکتوبر 2021 12:34

اسلام آباد (اُردو پوائنٹ اخبارتازہ ترین - این این آئی۔ 28 اکتوبر2021ء) فیڈرل بورڈ آف انٹر میڈیٹ اینڈ سیکنڈری کے زیر اہتمام کھیلی گئی فیڈرل بورڈ انٹر کالجیٹ گرلز نیٹ بال چمپئن شپ فوجی فائونڈیشن کالج فار گرلز لالہ زار، راولپنڈی نے جیت لی جبکہ بحریہ کالج نیول انکروایج، اسلام آباد نے دوسری اور اے پی ایس، ہمایوں روڈ راولپنڈی نے تیسری پوزیشن حاصل کی۔

(جاری ہے)

فیڈرل بورڈ آف انٹر میڈیٹ اینڈ سیکنڈری کی ڈائریکٹر سپورٹس فوزیہ معروف نے بتایا کہ چمپئن شپ میں چھ ٹیموں نے حصہ لیا جن میں اے پی ایس، ہمایوں روڈ راولپنڈی، فوجی فائونڈیشن کالج فار گرلز لالہ زار راولپنڈی، آرمی پبلک سکول(ایف ڈبلیو او) راولپنڈی، بحریہ کالج نیول انکروایج،اسلام آباد، او پی ایف گرلز ایف ایٹ فور اسلام آباد اور اسلام آباد ماڈل کالج فار گرلز ایف سیون ٹو اسلام آباد کی شامل تھیں۔ انہوں نے کہا کہ چمپئن شپ کے دوران اچھی کارکردگی دکھانے والی کھلاڑیوں کو فیڈرل بورڈ کی ٹیم میں شامل کیا گیا ہے اور منتخب ٹیم دسمبر میں اسلام آباد میں کھیلی جانے والی آل پاکستان انٹر بورڈ گرلز نیٹ بال چمپئن شپ میں شرکت کرے گی۔