رواں ہفتہ کے دوران راولپنڈی اسلام آباد سمیت ملک کے بالائی علاقوں میں تیز ہوائوں اور گرج چمک کے ساتھ مزید بارش ہو گی،محکمہ موسمیات

اسلام آباد ۔ (اُردو پوائنٹ اخبارتازہ ترین - اے پی پی۔ 23 جولائی2018ء) رواں ہفتہ کے دوران راولپنڈی اسلام آباد سمیت ملک کے بالائی علاقوں میں تیز ہوائوں اور گرج چمک کے ساتھ مزید بارش ہو گی۔ محکمہ موسمیات کے مطابق اس دوران مالاکنڈ، ہزارہ، مردان،پشاور، کوہاٹ، راولپنڈی، گوجرانوالہ، لاہور، سرگودھا ڈویژن، اسلام آباد اور کشمیر میں کہیں کہیں تیز ہوائوں اور گرج چمک کے ساتھ بارش کی پیشنگوئی کی گئی ہے۔

خیبرپختونخوا ( بنوں، ڈی آئی خان ڈویژن)، پنجاب ( فیصل آباد، ساہیوال، ملتان، ڈی جی خان، بہاولپور ڈویژن)، بلوچستان (ژوب، قلات ڈویژن) اور گلگت بلتستان میں چند مقامات پر تیز ہوائوں اور گرج چمک کے ساتھ بارش کا امکان ہے۔ جمعرات سے ہفتہ کے دوران ہزارہ، مالاکنڈ، پشاور، کوہاٹ، راولپنڈی، گوجرانوالہ، لاہور ڈویژن، اسلام آباد اور کشمیر میں چند مقامات پر موسلادھار بارش کا بھی امکان ہے۔

(جاری ہے)

(آج) منگل کو راولپنڈی، گوجرانوالہ، لاہور، سرگودھا، فیصل آباد، مالاکنڈ، ہزارہ، مردان، پشاور، کوہاٹ ڈویژن، اسلام آباد، اور کشمیر میں کہیں کہیں جبکہ بنوں، ڈی آئی خان، ملتان، ڈی جی خان، بہاولپور، ساہیوال، ژوب ڈویژن اور گلگت بلتستان میں چند مقامات پر تیز ہوائوں اور گرج چمک کے ساتھ مزید بارش کا امکان ہے۔ اس دوران مالاکنڈ، ہزارہ، مردان، پشاور، کوہاٹ، راولپنڈی، گوجرانولہ، سرگودھا ڈویژن، اسلام آباد اور کشمیر میں بعض مقامات پر موسلادھار بارش کا امکان ہے۔

ملک کے دیگر علاقوں میں موسم گرم اور مرطوب رہے گا۔ گزشتہ 24 گھنٹوں کے دوران راولپنڈی، لاہور، مالاکنڈ، ہزارہ، پشاور، ڈی آئی خان ڈویژن اسلام آباد اور کشمیر میں کہیں کہیں جبکہ سرگودہا، ژوب اور کوئٹہ ڈویژن، گلگت بلتستان میں چند مقامات پر تیزہوائوں اور گرج چمک کے ساتھ بارش ہوئی۔ ملک کے دیگر علاقوں میں موسم گرم اور مرطوب رہا۔ سب سے زیادہ بارش پنجاب: اسلام آباد (گولڑہ117، بوکرہ96، سیدپور58، نیوائیرپورٹ، زیروپوائینٹ50)، راولپنڈی (شمس آباد79، چکلالہ44)، مری40، سیالکوٹ(سٹی 39 ، ائیرپورٹ 13 )، نورپورتھل 24 ، اوکاڑہ21، چکوال 20 ، لاہور (پنجاب یونیورسٹی18، سٹی03)، جوہرآباد08 ،کامرہ 05 ، گوجرانوالہ04 ، منڈی بہاو?الدین، گجرات 03 ، بھکر01، خیبرپختونخوا: پشاور (ائیرپورٹ82، سٹی56)، چراٹ63، مالم جبہ 53 ، سیدوشریف52 ، رسالپور51، دیر (بالائی51، زیرین24)،پٹن24 ، کوہاٹ20 ، ڈی آئی خان15، پاراچنار، کاکول 14 ، کالام 07، دروش 05 ، میرخانی 03، کشمیر:مظفرآباد68، گڑھی دوپٹہ25، راولاکوٹ14، بلوچستان:بارکھان07، ڑوب04 ، گلگت بلتستان: چلاس 07 ، بونجی ، گوپس 01 ملی میٹر ریکارڈ کی گئی۔

پیر کو ملک میں زیادہ سے زیادہ درجہ حرارت نوکنڈی اور دالبندین میں 47 ڈگری سینٹی گریڈ ریکارڈ کیاگیا۔