سی پیک گیم چینجرمنصوبہ ہے،کرپشن کے خاتمے اورعدل وانصاف کے بغیر چین کا سی پیک بھی گوادر میں ڈوب جانے کا خدشہ ہے ، مجاہد چنا

رشوت سفارش اورکرپشن نے ملک کے اداروں کو تباہ کرکے رکھ دیا ہے،پوری ملک میں سی پیک کا چرچا اوراسی بناء پرچین سے معاہدے کئے جارہے ،سیکرٹری اطلاعات جماعت اسلامی سندھ

بدھ 19 اپریل 2017 21:10

سی پیک گیم چینجرمنصوبہ ہے،کرپشن کے خاتمے اورعدل وانصاف کے بغیر چین کا سی پیک بھی گوادر میں ڈوب جانے کا خدشہ ہے ، مجاہد چنا

جیکب آباد(اُردو پوائنٹ اخبارتازہ ترین - آن لائن۔ 19 اپریل2017ء) جماعت اسلامی سندھ کے سیکرٹری اطلاعات مجاہد چنا نے کہا ہے کہ سی پیک گیم چینجرمنصوبہ ہے مگرکرپشن کے خاتمے اورعدل وانصاف کے بغیر چین کا سی پیک بھی گوادر میں ڈوب جانے کا خدشہ ہے کیونکہ رشوت سفارش اورکرپشن نے ملک کے اداروں کو تباہ کرکے رکھ دیا ہے،پوری ملک میں سی پیک کا چرچا اوراسی بناء پرچین سے معاہدے کئے جارہے ہیں مگر سی پیک کے دل گوادر کے عوام زندگی کی بنیادی سہولیات سے بھی محروم ہیں اس سے بڑی ناانصافی کیا ہوسکتی ہے۔

(جاری ہے)

ان خیالات کا اظہارانہوں نے ڈسٹرکٹ پریس کلب جیکب آباد کے صحافیوں سے بات چیت کرتے ہوئے کیا۔انہوں نے کہا کہ ملک میں بجلی کا شاٹ فال سات ہزار تک پہنچ جاناحکومتی نااہلی وناکامی کا منہ بولتا ثبوت ہے،حکومتی دعوؤں کے برعکس بجلی کی بدترین لوڈشیڈنگ نے عوام کی زندگی اجیرن بنادی ہے۔نوازشریف کا چارسال کے بعددورہ جیکب آباد اورکامیاب جلسہ سے خطاب اچھی بات ہے ،سیاسی اعلانات کی بجائے وہ جیکب آباد میں لوڈشیڈنگ کے خاتمے کا اعلان کرتے توبہتر ہوتاکیونکہ جیکب آباد خطے کا گرم ترین علاقہ ہے موسم گرما میں اس کو بجلی لوڈشیڈنگ سے مستثنیٰ قراردیا جائی