جیکب آبا د کے قصبہ میں آتشزدگی سے جلنے والے 12گھروں کے متاثرین کو امداد نہ ملنے کیخلاف احتجاجی مظاہرہ

پیر 22 مئی 2017 22:14

ْجیکب آباد(اُردو پوائنٹ اخبارتازہ ترین - آئی این پی۔ 22 مئی2017ء)جیکب آبادکے قصبہ میں آتشزدگی سے جلنے والے 12گھروں کے متاثرین کو امداد نہ ملنے کے خلاف دیہاتیوں کا جے یوآئی رہنمائوں کے ہمراہ احتجاجی مظاہرہ تفصیلات کے مطابق جیکب آباد کے قصبہ مارک جعفری میں آتشزدگی سے پورے قصبہ کے 12گھراوران میں رکھا سامان جل کرخاکسترہونے اور امداد نہ ملنے کے خلاف دیہاتیوں نے جے یوآئی کے ضلعی امیرڈاکٹر اے جی انصاری ،مارک جعفری ،مولانا عبدالجباررند،عبدالعزیزجعفری ،عبدالقادر بنگلانی ،عبدالکریم ،مولانا تاج محمد بھٹی ،محمد نواز،عبدالحمید ،عبدالخالق ،اربیلو ،نیاز اورعبدالمجید کی قیادت میں احتجاجی مظاہر ہ کرکے سخت نعریبازی کی مظاہرین کاکہناتھاکہ چارروزقبل رات کو ہمارے گائوں میں اچانک آگ بھڑک اٹھی جس نے تیزہواکے باعث پورے گائوں کو اپنی لپیٹ میں لے لیا جس کے باعث 12گھر جل کر خاکستر ہوگئے آتشزدگی سے دوبچیوں کا جہیزکاسامان بھی جل گیا آتشزدگی کے بعد کوئی بھی ضلعی حکام اورمنتخب نمائندے پوچھنے تک نہیں آئے ہم بے یارومددگارہیں جے یوآئی رہنمائوں نے مطالبہ کیاکہ آتشزدگی کے متاثرین کی مالی مدد کی جائے جوکھلے آسمان تلے بے یارومددگار زندگی بسرکررہے ہیں امداد نہ ہوئی تو ڈی سی آفس کے سامنے دھرنادیاجائے گاجے یوآئی رہنمائوں نے دیہاتیوں کو ہرممکن تعاون کا یقین دلایا۔