جیکب آبادمیں گیس کا بحران شدت اختیار کرگیا ،کئی علاقے دوماہ سے گیس کی فراہمی سے محروم

ہفتہ 19 اگست 2017 22:58

جیکب آباد(اُردو پوائنٹ اخبارتازہ ترین - آئی این پی۔ 19 اگست2017ء) جیکب آبادمیں گیس کا بحران شدت اختیار کرگیا کئی شہری علاقے دوماہ سے گیس کی فراہمی سے محروم فیملی لائین محلہ کی عورتیں سڑکوں پر نکل آئیں ایس ایس جی سی حکام کے خلاف نعرے تفصیلات کے مطابق جیکب آباد میں سوئی گیس کا بحران شدت اختیار کرگیا فیملی لائین ،اے ڈی سی کالونی ،صرافہ بازار ،پیٹی بازارڈنگر محلہ سمیت کئی علاقے دوماہ سے گیس کی فراہمی سے محروم ہیں شکایات کے باوجود ازالہ نہ کرنے پر گزشتہ روزفیملی لائین محلہ کی خواتین معصوم بچوںسمیت سڑکوں پر نکل آئیں فیملی لائین کی مسرت خاتون ِ،حسنہ ،سرداراں اوردیگرنے احتجاج کرتے ہوئے ایس ایس جی سی حکام کے خلاف سخت نعریبازی کی مظاہرین کا کہناتھاکہ ایس ایس جی سی حکام کی لاپرواہی کی وجہ سے دوماہ سے گیس کی فراہمی بند ہے دفتر کے چکر لگالگاکر تھک گئے ہیں کوئی سننے والا نہیں افسران روزٹال مٹول سے کام لے رہے ہیں اس جدیددورمیں بھی شہری علاقے گیس کی فراہمی سے محروم ہیں اور لکڑیاں جلانے پر مجبورہیں انہوںنے کہاکہ ایس ایس جی سی حکام کارویہ قابل افسوس ہے اگروہ کام نہیں کرسکتے تو پھرکرسی چھوڑدیں یا پھر چوڑیاں پہن لیں خواتین نے کہاکہ اگر گیس کی فراہمی بحال نہ کی گئی تو سوئی گیس آفس کے سامنے دھرنا دیں گے ۔