جیکب آبادمیں مسلم لیگ(ن) کی جگہ پی ٹی آئی نے لے لی،دونوں جماعتوں نے الیکشن مہم شروع کردی

بدھ 6 جون 2018 16:43

جیکب آباد(اُردو پوائنٹ اخبارتازہ ترین - این این آئی۔ 06 جون2018ء) جیکب آبادمیں مسلم لیگ(ن) کی جگہ پی ٹی آئی نے لے لی، پیپلزپارٹی کا مقابلہ پی ٹی آئی سے ہوگا، دونوں جماعتیں جمہوریت کی دعویدار لیکن تنظیموں کے اندر غیر جمہوری عمل ضلعی باڈیاں بھی مکمل نہیں ہیں۔

(جاری ہے)

تفصیلات کے مطابق جیکب آبادمیں حالیہ انتخابات میں مسلم لیگ ن کی جگہ پی ٹی آئی نے لے لی ہے اب مقابلہ پیپلزپارٹی اور پی ٹی آئی میں ہوگا دونوں جماعتوں نے الیکشن مہم شروع کردی ہے دونوں جماعتوں میں جمہوریت رائج نہیں جمہوری طریقے سے انتخابات نہیں ہوئے بلکہ نامزدگیاں ہوئی ہیں دونوں جماعتوں میں ہونے والی نامزدگیاں بھی نا مکمل ہیں پوری طرح ضلعی باڈیاںبھی تشکیل نہیں دی گئی ہیں پیپلزپارٹی ہویا پی ٹی آئی دونوں جماعتیں بظاہر جمہوریت کی علمبردار اورجمہوریت کی دعویدار لیکن ان کے تنظیمی ڈھانچے نامکمل ہونے سے ان کا جمہوریت کا دعویٰ غلط ثابت ہواہے اب بھی دونوں جماعتوں کے ضلعی وتعلقہ عہدیدار مکمل نہیں ہیں ضلعی باڈیاں مکمل نہ ہونے سے عوام بھی پریشان ہیں تو کارکن بھی شدید مایوس ہیںشہریوں کا کہناہے کہ جمہوریت کا دعویٰ کرنے والے پہلے اپنی جماعتوں میں جمہوری نظام رائج کریں ۔