جیکب آباد میں فائر بریگیڈ کی خستہ حالی، 10 لاکھ سے زائد نفوس پر مشتمل جیکب آباد کے لئے صرف ایک فائر بریگیڈ آفس

منگل 4 ستمبر 2018 19:48

جیکب آباد(اُردو پوائنٹ اخبارتازہ ترین - این این آئی۔ 04 ستمبر2018ء) جیکب آباد میں فائر بریگیڈ کی خستہ حالی کسی ملک کے لیے ان کے عوام کو ناگہانی آفات و نامساعد حالات سے بچانے اور ان کے جان و مال کے تحفظ کے لیے فائر بریگیڈ میونسپل کامیٹی کا محکمہ انتہائی اہمیت کا حامل ہوتا ہے لیکن جیکب آباد جو 10 لاکھ سے زائد نفوس پر مشتمل ہے وہاں صرف ایک فائر بریگیڈ آفیس میونسپل کمیٹی جن کے پاس جدید سہولیات تو دور کی بات ہے مگر صرف تیں گاڑیاں جن کو چلانے والا ڈرائیور صرف ایک ہے ذرائع کے مطابق محکمہ میں جہاں 8ڈرائیور کی اسامیاں ہیں اور 8 ملازم ہی کام کرتے تھے لیکن بڑے عرصہ سے ان میں سے کچھ فوت اور چار ریٹائرڈ اور بقایا کا پروموشن ہوچکاہے مزید یہ کہ محکمے کی کارکردگی کا اندازہ اس بات سے لگایا جاسکتا ہے کہ حال ہی میں جیکب آباد شہر سے نومنتخب ہونے والے رکن صوبائی اسمبلی محمد اسلم ابڑو کے گھر کے کچھ حصے کو آگ لگ گئی جس پر بمشکل ایک گاڑی موقع پر پہنچ سکی جب ان کو دوسری گاڑی کے لیے کہا گیا تو محکمے کی جانب سے اسٹاف نہیں ہے کا بتایا گیاایسی صورتحال میں جہاں مقتدر طبقہ کا حال یہ ہو وہاں غریب عوام کے جان مال کی حفاظت کا کیا ہوگا شہریوں کا کہنا تھا کہ عوام کے تحفظ کے دعویداروں کا کام ہے کی اس ایمرجنسی شعبہ پرہنگامی طور توجہ دیں تاکہ کسی بھی ناگہانی آفت کے وقت کچھ تو عوام کا بھلا ہو۔