جیکب آباد:خبر کا اثر سندھ حکومت نے 21روز بعد بلدیہ جیکب آباد کے چیئر مین کی خالی سیٹ پر وائس چئیر مین کو مقرر کر دیا

ہفتہ 12 اکتوبر 2019 20:20

جیکب آباد(اُردو پوائنٹ اخبارتازہ ترین - آن لائن۔ 12 اکتوبر2019ء) خبر کا اثر سندھ حکومت نے 21روز بعد بلدیہ جیکب آباد کے چیئر مین کی خالی سیٹ پر وائس چئیر مین کو مقرر کر دیا تفصیلات کے مطابق جیکب آباد میں بلدیہ چیئر مین کی نشست پر تقرری نہ ہونے کی وجہ سے دفتری امور متاثر ہونے ،بلدیہ ملازمین کو تنخواہ نہ جاری ہونے اور شہر میںصفائی نہ ہونے سے گندگی کی عوامی شکایات اور میڈیا کی خبروں کا وزیر بلدیہ نے آخرکار نوٹیس لے لیا ہے شہر کی حالت زار اور عوام کی پہنچنے والی تکالیف کے احساس کے بعدسیکریٹری لوکل گورنمنٹ روشن علی شیخ نی21 روز بعد بلدیہ جیکب آباد کے چیئر مین کی خالی نشست پر وائس چئیر مین آصف علی مغیری کو چئیر مین کے طورپر مقرر کرنے کانوٹیفکیشن جاری کر دیا جس میں لکھا گیا ہے کہ نیب کے ہاتھوں گرفتار بلدیہ جیکب آباد کے چئیر مین کی رہائی تک وائس چئیر مین بلدیہ جیکب آباد کے چئیر مین ہونگے جس پر شہریوں اور ملازمین نے خوشی کا اظاہر کرتے ہوئے امید ظاہر کی ہے کہ آصف علی مغیری شہر کی صفائی پر توجہ دیں گے۔