پاکستان اسلامک میڈیکل ایسوسئیشن جیکب آباد کے زیر اہتمام ختم درس قرآن کی تقریب کا انعقاد
ہفتہ 25 فروری 2017 20:52
(جاری ہے)
قبل ازیں ڈاکٹر محمد ہاشم قریشی صدر پیما جیکب آباد نے اپنے خطاب میں کہا کہ ہم پچپن سے صرف یہ سنتے پڑھتے آ رہے ہیںکہ حقوق اللہ اور حقوق العباد ہوتے ہیں ، مگرہم نے اس حقیقت کو فراموش کردیا ہے کہ ان حقوق کو جاننے اور ان پر عمل پیرا ہونے کے طریقے ہمیں صرف و صرف حقوق القرآن کے ادا کرنے سے حاصل ہوسکتے ہیں ۔
قرآن کتاب انقلاب ہے جو ہماری زندگیوں کو تبدیل کرتا ہے۔ اس کے ہمارے اوپر بہت سارے حقوق ہیں ، جن میں زبان اور دل سے ایمان کے ساتھ تلاوت کرنا، سمجھ کر ٹہرٹہر کر خوبصورت انداز میں پڑھنا ، جس کا عملی نمونا ہماری زندگی میں اعضاء اور طریقے میں نظر آئے اور اس سے بڑھ کر قرآن پاک کا ہمارے اوپر یہ حق ہے کہ اس کی دعوت و تعلیمات کو آگے تک لوگوں کو پہنچانا ۔ رسول مہربان محمد صلی اللہ وسلم کا فرمان ہے کہ تم میں سے بہترین وہ ہے جو قرآن کا علم سیکھے اور دوسروں کو اس کی تعلیم دے ہمیں چاہیے کہ ہم اس تیز و تندو آرام پسند زندگی میں قرآن کو وقت دیں تاکہ ہمارے لئے یہ اخروی زندگی کی نجات کاتوشہ بن سکے ہم فہم القرآن کایہ سلسلہ اس تقریب کی توسط سے دوبارہ نئی انداز سے شروع کرنے کا اعلان کرتے ہیں۔ بعد ازاں انجنیر اعجاز احمدمیمن نے کہا کہ انسانیت کو فساد ، خون ریزی اور شر سے بچانے کے لئے اللہ رب العزت نے شروع سے ہی رسول و انبیاء صحیفوں کے ساتھ بھیجنے کا اہتمام کیا ہے، لیکن یہ سلسلہ شروع میں مخصوص علاقوں اور مخصوص دور تک محدود تھالیکن نبی مہربان محمد صلی اللہ وسلم اس سلسلہ نبوت کے آخری نبی ہیں جو پوری دنیا کے لئے تا قیامت بھیجے گئے ہیں۔سب انبیاء اور رسل کا دنیا کو پیغام ایک ہی تھا۔امیر جماعت اسلامی نے سوانح حیات طیبہ اور مقصد آمد مصطفی صلی اللہ وسلم پر تفصیلی بات کرتے ہوئے کہا کہ لوگ کہتے ہیں کہ نیچر (انسانی فطرت) تبدیل نہیں ہوسکتی لیکن میں کہتا ہوں کہ نبی صلی اللہ وسلم کی سیرت مبارکہ نے دنیا کے سامنے یہ ثابت کردیا کہ قوم لدا(جگھڑالو قوم)، جہالت میں ڈوبی ہوئی ، ذرہ ذرہ سی بات پر خون ریزی لڑائیاں ، ناجائز مال پر قبضہ، شراب ، جوا ، سودی نظام سے لدے ہوئے ، اپنی لڑکیوں کو زندہ درگور کرنے والی، یتیموں ، بیواہوں کو اپنا مال میراث سمجھ کر زیادتی کی غرض سے تقسیم کرنے والی یہ قوم اس طرح تبدیل ہوگئی کہ دنیا نے دیکھا کہ عالم وقت بن گئے اپنے قریب رشتیداروں کے خون معاف کرنے لگے ، جائز مال کے متلاشی، شراب کے مٹکے نہ صرف توڑ دیے اپنے منہ میں انگلیاں ڈال کر اس کو نکالنے لگے، سودی نظام کو اللہ سے جنگ قرار دینے لگے، اپنی لڑکیوں کی تعلیم و تربیت کے ساتھ رخصت کرنے لگے۔ بیواہوں اور یتیم کو اپنے حقوق دینے لگے اور تو اور مواخات کے وقت یہ قوم اپنی دو بیویوں میں سے ایک کو طلاق دیکر اپنے بھائیوں کو دینے پر راضی نظر آ ئے، دوران جنگ کسی کو بے جا ایذا دینا درکنار یہ لوگ سیرت و حکم نبی صلی اللہ وسلم کی وجہ سے درختوں ، کھیتوں ، بوڑھوں ، بچوں کی حفاظت کرنے لگے۔انہوں نے مزید کہا کہ ہم دنیا کو یہ کہہ رہیں کہ آپ اربوں ڈالر سکیورٹی اور امن پر خرچ نہ کرو صرف اپنے ازم ، سسٹم، نظام اور خود پرستی کو تبدیل کرکے سیرت نبوی صلی اللہ وسلم پر عمل پیرا ہوکر اس اسلامی نظام کو قبول کرو تو یہ کام خود بخود ہوجائے گاپاکستان جو اسلامی قانون اور آئین رکھتا ہے ان کی عدالتوں میں جج صاحبان کی طرف سے جب ایسے الفاظ کی بازگشت سنائی جائے کہ اسلامی شق 62-63 پر اگر عمل کیا گیا تو سوا ئے ایک بندے کے کوئی نہیں بچے گا، بہت افسوس ہے کہ ہم کیسے اپنی عوام کو امن اور خوشحالی دے سکیں گے۔ اللہ رب العزت قرآن پاک میں واضع طور مقصد آمد رسول صلی اللہ وسلم کو سورة توبہ، سورة الفتح اور سورة صف میں وضاحت کردی کہ ہم نے رسول کو ہدایت قرآن اور دین حق (حقیقی نظام زندگی جس سے امن میسر آ سکی) بھیجا ہے تاکہ یہ نظام دنیا کے مختلف باطل نظاموں (ازم ، پرستی، سسٹم) پر غالب ہو، چاہئے یہ کتنا بھی ناگوار گذرے نفس کے پوجاریوں کومشرکین کو ۔ اللہ اس چیز پر تمہارے لئے کافی ہے۔ عزیز ساتھیوں دنیا کو امن صرف اور صرف سیرت محمد صلی اللہ وسلم پر عمل پیرا ہونے سے آ سکتا ہے۔ تقریب میں پروفیسر ڈاکٹر خبیب شاہد سیکریٹری جنرل پیما پاکستان ، ڈاکٹر عبداللہ خلجی صدر پیما سندھ ، شہر کے بڑی تعداد میں ڈاکٹر ، شہر کے معززین، فارما سیٹیکل اسٹاف کے علاوہ جماعت اسلامی کے کارکنان نے شرکت کی۔اس موقع پر ڈاکٹر نصراللہ سومروڈاکٹر عبدالرشید وہاب میمن نے بھی خطاب کیااختتامی دعا ڈاکٹر عبدالرشید میمن نے کی ڈاکٹر محمد ہاشم قریشی نے مہمانوں کو سندھ کی روایتی تحائف اجرک اور ٹوپی پیش کئے۔متعلقہ عنوان :
جیکب آباد میں شائع ہونے والی مزید خبریں
جیکب آباد ایکسئین سیپکو اور رٹائر ملازم میں کشیدگی
جیکب آباد،جے یو آئی ضلعی کی مجلس عمومی اجلاس، عوامی رابطہ مہم ہوگی
جیکب آباد،ضلع کے 1300رٹائر ملازمین اور انکی بیواہیں بینوئل فنڈ س سے محروم ،ایک سال سے اجراء نہ ہوا ،سخت ..
جیکب آباد میں سی او سیپکو کی آمد،بجلی چوروں اور نادہندگان کے خلاف کاروائیاں، متعدد کنکشن منقطع
جیکب آباد اور کشمور ضلع کے ایس ایس پیز کی سربراہی میں ڈکیتوں کے خلاف آپریشن
چوردکان کے تالے توڑ کر 8 ایل سی ڈیز لے اڑے
جیکب آباد، 30 سالہ نوجوان نے گلے میں رسی ڈال کر خودکشی کرلی
جیکب آباد، گھر کا خرچہ مانگنے پر شوہر نے بیوی کو گولیاں مار کرقتل کردیا
جیکب آباد کسٹم پولیس نے مضر صحت چھالیہ اور پان پراگ کی اسمگلنگ ناکام بنادی
جیکب آباد میں نوجوان نے پھندا لگا کر خودکشی کر لی
جیکب آباد میں شاہی بازار سے چور دوکان کے تالے توڑ کر 8ایل سی ڈیز لے اڑے
جیکب آباد کسٹم پویس نے مضر صحت چھالیہ اور پان پراگ کی اسمگلنگ ناکام بنادی
جیکب آباد سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو