جامشورو،ہائیڈروجن پلانٹ سے آکسیجن تیار کرنے کا کامیاب تجربہ

پی سی ایس آئی آر نے منصوبے کے تمام تکنیکی پہلووں کا جائزہ لیا ہے، تنویر احمد

بدھ 12 مئی 2021 16:32

جامشورو (اُردو پوائنٹ اخبارتازہ ترین - این این آئی۔ 12 مئی2021ء) جامشورو تھرمل پاور پلانٹ کے انجینئرز نے ہائیڈروجن پلانٹ سے آکسیجن تیار کرنے کا کامیاب تجربہ کیا ہے۔جامشورو تھرمل پاور پلانٹ کے سی ای او تنویر احمد کے مطابق اس کامیاب تجربے کے لیے پاک فوج اور ضلعی انتظامیہ کی معاونت رہی۔انہوں نے بتایا کہ یہاں روزانہ 385 کلو گرام یا 60 سلنڈرز آکسیجن تیار ہو سکتی ہے۔

(جاری ہے)

سی ای او پاور پلانٹ نے بتایا کہ پی سی ایس آئی آر کی ٹیم نے تیار شدہ آکسیجن کے نمونے حاصل کیئے ہیں۔انہوں نے بتایا کہ پی سی ایس آئی آر نے منصوبے کے تمام تکنیکی پہلووں کا جائزہ لیا ہے، کامیاب تجربے کے بعد آکسیجن قابلِ استعمال ہے۔تنویر احمد کا مزید کہنا ہے کہ ایسے ہائیڈروجن پلانٹ لاکھڑا اور کوٹری میں بھی ہیں۔انہوں نے یہ بھی بتایا ہے کہ لاکھڑا اور کوٹری میں بھی ہائیڈروجن پلانٹ کو استعمال میں لا کر آکسیجن بنائی جا سکتی ہے۔اس حوالے سے ڈپٹی کمشنر جامشورو کا کہنا ہے کہ پروجیکٹ کی کامیابی سے کورونا وائرس کے مریضوں کے علاج میں مدد ملے گی۔