باغ حویلی کہوٹہ،مضرِ صحت ڈرنکس اور اشیائے خوردنی فروخت کرنے والوں کے خلاف کارروائی

جمعہ 18 ستمبر 2020 16:20

باغ حویلی کہوٹہ ۔ (اُردو پوائنٹ اخبارتازہ ترین - اے پی پی۔ 18 ستمبر2020ء)ڈسٹرکٹ فوڈ سیفٹی آفیسر بلال مقصود اور اُن کی ٹیم نے مضرِ صحت ڈرنکس اور اشیائے خوردنی فروخت کرنے والوں کے خلاف کارروائی ۔ کسی کو زہر فروخت کرنے کی اجازت نہیں ہوگی۔ سیفٹی آفیسر۔ تفصیل کے مطابق ڈسٹرکٹ فوڈ سیفٹی آفیسر نے اپنی ٹیم اسسٹنٹ سیفٹی آفیسر سرفراز خورشید ، محمد آصف ، سر انداز جاوید راٹھور اور شہزاد خورشید کے ہمراہ کہوٹہ بازار میں مضرِ صحت آئیٹم فروخت کرنے والوں کے خلاف بھرپور کارروائی کا آغاز کیا ہے۔

پہلے مرحلے میں کولاون کولڈ ڈرنکس ، پیپل اپ کی بڑی تعداد آئیٹم اپنی تحویل میں لے لیے ہیں۔ ضبط شدہ آئیٹم کی لیبارٹری ٹیسٹ کروایا جائے گا۔ جبکہ بازار میں نان رجسٹرڈ اشیاء کو باقاعدہ فروخت کرنے والوں کو لائسنس کے اجراء کی مہم بھی جاری ہے۔

(جاری ہے)

بلال مقصود نے صحافیوں سے گفتگو کرتے ہوئے بتایا کہ مضرِ صحت اشیاء فروخت کرنے والوں کے خلاف بھرپور کارروائی کر رہے ہیں انسانی جانوں سے کھلنے والے کسی طور پر رعایت کے مستحق نہیں۔ سرفراز خورشید نے کہا کہ حکام بالا کی ہدایت پر پورے ضلع میں تمام چھوٹے بڑے کاروباری مراکز میں اشیاء کی کوالٹی کو چیک کیا جا رہا ہے۔ جس میں فوڈ آئیٹم کو اولین ترجیح ہے۔ تاکہ عوام الناس کو معیاری اشیائے خوردو نوش استعما ل کے لیے دستیاب ہوں۔