پاکستان امریکہ اورطالبان کو قریب لانے میںحقیقی مددکر سکتا ہے،میاں زاہد حسین

کراچی(اُردو پوائنٹ اخبارتازہ ترین - آن لائن۔ 19 جولائی2019ء) پاکستان بزنس مین اینڈ انٹلیکچولز فور م وآل کراچی انڈسٹریل الائنس کے صدر ،بزنس مین پینل کے سینئر وائس چیئر مین اور سابق صوبائی وزیر میاں زاہد حسین نے کہا ہے کہ امریکہ کا رویہ پاکستان سے بہتر ہو رہا ہے اور ایک علیحدگی پسند تنظیم کوعالمی دہشت گرد قرار دینا اسی سلسلہ کی ایک کڑی ہے۔

اس تناظر میں کاروباری برادری اور عوام کو وزیر اعظم عمران خان کے دورہ امریکہ سے بڑی امیدیں وابستہ ہیں۔ وزیر اعظم کے دورے کے نتیجہ میں دونوں ممالک کے تعلقات بہتری کی طرف جا سکتے ہیں جبکہ آئی ایم ایف اور ایف اے ٹی ایف کا سخت موقف بھی نرم ہو سکتا ہے ۔ میاں زاہد حسین نے کاروباری برادری سے گفتگو میں کہا کہ وزیر اعظم کے دورے کے نتیجہ میں اگر عالمی اداروںنے کچھ نرمی اختیار کی تو عوام اور کاروباری برادری کی مشکلات میں کمی آسکتی ہے۔

(جاری ہے)

دورے کے دوران مقبوضہ کشمیر کے مسئلے میں بہتری کی کوئی خاص امید نہیں کیونکہ امریکہ اور بھارت کے مابین ہنی مون چل رہا ہے ۔افغانستان کے متعلق معاملات مزید بہتری کی جانب بڑھ سکتے ہیں جبکہ امریکہ اور طالبان کے مابین امن معاہدے پراہم پیش رفت پاکستان کے تعاون سے ہی ممکن ہے جس سے امریکہ افغانستان میں سالانہ50 ارب ڈالر ضائع کرنے سے بچسکتا ہے جسکے نتیجے میں امریکی فوج کی واپسی ممکن ہو گی لہٰذاپاکستان اپنی مضبوط پو ز یشن سے فائدہ اٹھا سکتا ہے۔

بھارت اس سلسلہ کو سبوتاژ کرنے کی کوشش کرے گاجسے لگام دینے کی پوری ذمہ داری امریکہ پر ڈالی جائے۔دورے سے امریکہ کے ایران اور چین سے تنازعات اور خطے میں جاری تجارتی کشیدگی کے بارے میں بھی اہم پیش رفت ہو سکتی ہے کیونکہ ان سے پاکستان پر بھی اثرات پڑ رہے ہیں۔میاں زاہد حسین نے کہا کہ امریکہ نے کولیشن سپورٹ فنڈکی مد میں پاکستان کی2 ارب ڈالر روک رکھے ہیں جنھیں وزیر اعظم اپنے دورے کے دوران واگزار کروائیںاور دہشت گردی کے خلاف جنگ میں پاکستان کی کا میا بیوں اورآپریشن ضرب عضب اور آپریشن ردالفسادکا بطور خاصذکر کیا جائے کیونکہ امریکہ کے لئے افغا نستان میں موجودہ ساز گار حا لات پاکستان کی دہشت گردی کے خلاف جنگ میں کا میابی کے بغیر ممکن نہیں تھے۔

پاکستان ایک بار پھر واضح کرے کہ وہ کسی صورت میں چین سے اپنے تعلقات اور سی پیک پر کوئی سودے بازی نہیں کرے گا اور نہ ہی خطے کے کسی ملک کی بالادستی قبول کرے گا۔ 19-07-19/--77 #h# 3ملک بھر کے کاروباری حلقوں میں منفرد مقام رکھنے والے سیف گروپ نے اسلام آباد چیمبر آف کامرس کے آمدہ الیکشن میں یونائیٹڈ گروپ کی غیر مشروط حمایت کا اعلان #/h# C اسلام آباد( آن لائن )ملک بھر کے کاروباری حلقوں میں منفرد مقام رکھنے والے سیف گروپ نے اسلام آباد چیمبر آف کامرس کے آمدہ الیکشن میں یونائیٹڈ گروپ کی غیر مشروط حمایت کا اعلان کیا ہے۔

اس بات کا اعلان یونائیٹڈ گروپ کے چئیرمین حبیب اللہ زاہد سنیئیر وائس چیرمین شاہد زمان شنواری اور دیگر تاجر رہنمائوں کی سابق وفاقی وزراء انورسیف اللہ اور ہمایوں سیف اللہ سے ملاقات کے بعد کیا گیا۔ حبیب اللہ زاہد نے انھیں بتایا کہ وہ تاجروں کے حقوق کی جنگ لڑنا اور انکے تمام جائز مطالبات حل کرنا چاہتے ہیں۔ اسلام آباد چیمبر کے رہنماکاروباری برادری کے مسائل حل کرنے کے بجائے اپنے مفادات کی تکمیل میں لگا رہتے ہیںجس سے مایوسی پھیلی ہوئی ہے۔

اس موقع پر انورسیف اللہ اور ہمایوں سیف اللہ نے اسلام آباد یونائیٹڈ گروپ کی خدمات کو سراہا اور امید ظاہر کی کہ وہ اپنے مشن پر چلتے ہوئے تاجروں کی آواز بنیں گے۔ انھوں نے قلیل عرصے میں مضبوط گروپ بنانے پر انھیںمبارکباد دی اورچیمبر کے انتخابات میں اسلام آباد یونائیٹڈ گروپ کی غیر مشروط حمایت کا اعلان کیا۔