سابق صدر پاکستان چیمبر آف کامرس پی سی سی - یو ایس اے ڈاکٹر مبشر چوہدری چار روزہ دورے پر کراچی پہنچ گئے

بدھ 27 اکتوبر 2021 00:12

کراچی(اُردو پوائنٹ اخبارتازہ ترین - این این آئی۔ 26 اکتوبر2021ء) صدر / سی ای او یونیورسل سرجیکل پارٹنرز اینڈ پیشنٹ بینیفٹ فائو نڈیشن ، سابق صدر پاکستان چیمبر آف کامرس پی سی سی - یو ایس اے ڈاکٹر مبشر چوہدری چار روزہ دورے پر کراچی پہنچ گئے۔ ڈاکٹر مبشر چوہدری نے کہا ہے کہ پاکستان میں اس وقت سیاسی بے یقینی کی کیفیت ہے ایسے حالات میں بزنس کمیونٹی کیلئے کاروبار دوست ماحول بنانے کی اشد ضرورت ہے،انہوں نے کہا کہ عمران خان معاشی نمو میں اضافے کیلئے انقلابی اقدامات کو یقینی بنائیں، برآمدات پر مبنی پالیسوں کو پرکشش بنائیں اور برآمدی شعبے کو مزید مراعات دیں تاکہ ملکی برآمدات میں اضافہ ہو سکے ۔

انہوں نے کہا کہ اس وقت پوری دنیا کو چیلنجز کا سامنا ہے دنیا بھر میں مقیم پاکستانی شہری اپنے وطن پاکستا ن کی معیشت کو مضبوط دیکھنا چاہتے ہیں اور اس ضمن میں بیرون ملک مقیم پاکستان ہر اول دستے کا کردار ادا کرنے کیلئے تیار ہیں۔

(جاری ہے)

ڈاکٹر مبشر چوہدری دورے کے دوران کراچی میں معروف تاجر تنظیموں اور بزنس مین مرزا اختیار اور مرزا اشتیاق بیگ سمیت دیگر کاروباری شخصیات سے ملاقاتوں میں پاکستانی برآمدات بڑھانے کے سلسلے میں تبادلہ خیال کریں گے۔

ڈاکٹر مبشر چوہدری کے اعزاز میں کاروباری شخصیات چیئرمین بیگ گروپ آف کمپنیز مرزا اختیار بیگ اور اشتیاق بیگ، سی ای او اسٹار مارکیٹنگ ایکسپو محمود احمد خان، عضب گلوبل ٹریڈ اینڈ ایگزیبیشن اور انٹریگریٹڈ ٹیکسٹائل کے سی ای او فاروق افضل ظہرانے کا اہتمام کرینگے۔

کراچی میں شائع ہونے والی مزید خبریں