محکمہ خوراک سندھ نے گندم کی 590,890.5 بوریاں برآمد کر لی

کراچی (اُردو پوائنٹ اخبارتازہ ترین - این این آئی۔ 19 مئی2022ء) وزیر اعلی سندھ سید مراد علی شاہ کی ہدایت پر محکمہ خوراک نے صوبے بھر میں گندم کی ذخیرہ اندوزی کے خلاف آپریشن شروع کرتے ہوئے اب تک گندم کی 590,890.5 بوریاں برآمد کر لی ہیں۔وزیراعلی سندھ کو پیش کی گئی رپورٹ میں کہا گیا ہے کہ پانچ ڈویژنوں کے مختلف اضلاع سے گندم کے 590,890.5 تھیلے برآمد کیے گئے اور ہر ایک تھیلا 100 کلوگرام کا ہے۔

ذخیرہ اندوزوں سے برآمد یا ضبط شدہ گندم کی تفصیلات کے مطابق خیرپور سے 101,220 تھیلے، گھوٹکی 69,770 ، سکھر 75,650 اس طرح تین اضلاع سے برآمد شدہ تھیلوں کی مجموعی تعداد 246,640 ہے۔ نوشہروفیروز میں سے 28,000 تھیلے، سانگھڑ 3,900 ، شہید بینظیر آباد 14,980 ، اس طرح ڈویژن سے برآمد ہونے والے مجموعی تھیلوں کی تعداد 46,880 بنتی ہے۔

(جاری ہے)

جیکب آباد 27,400 تھیلے، کشمور 50,000 ، شکارپور 22,065 ، قمبر-شہداد کوٹ 97,000 اور لاڑکانہ 31,600 ، اس طرح مجموعی تعداد 228,065 بنتی ہے۔

دادو میں سے 1000 تھیلے، جامشورو 17،000 ، حیدرآباد 30،000 ، مٹیاری 3،700 ، ٹنڈو الہ یار 600 ، بدین 10،922 اور ٹھٹھہ/سجاول 1،138.50 تھیلے برآمد کیے گئے۔ برآمد شدہ تھیلوں کی مجموعی تعداد 68,305.50 بنتی ہے۔میرپورخاص ڈویژن میں سے 1000 تھیلے برآمد کیے گئے۔سیکرٹری خوراک راجہ خرم شہزاد نے ذاتی طور پر ہر ضلع میں ذخیرہ اندوزی کے خلاف مہم کی نگرانی کی۔وزیر خوراک مکیش چاولہ نے کہا کہ ذخیرہ اندوزوں / تاجروں کو ضبط شدہ گندم کے لیے 5500 روپے فی 100 کلو تھیلے کا سرکاری ریٹ دیا جائے گا۔یہ آپریشن پورے سندھ میں جاری رہے گا تاکہ صوبے میں آٹے کی قیمتوں کو مستحکم رکھا جاسکے ۔