جامعہ اردو میں سمسٹر کے امتحانات15 فروری2021سے آن لائن منعقد کئے جائیں گے

جمعرات 28 جنوری 2021 19:56

کراچی(اُردو پوائنٹ اخبارتازہ ترین - این این آئی۔ 28 جنوری2021ء) وفاقی اُردو یونیورسٹی کی اکیڈمک کونسل کا انتیسواں(29th) اجلاس قائم مقام شیخ الجامعہ پروفیسر ڈاکٹر روبینہ مشتاقکی زیرِ صدارت منعقد ہوا۔اجلاس میں وفاقی اردو یونیورسٹی کے تدریسی، امتحانی و دیگر معاملات زیر غور لائے گئے۔اجلاس میں فیصلہ کیا گیا کہ جاری سمسٹر کے امتحانات15 فروری2021سے آن لائن منعقد کئے جائیں گے نیز ایم فل/ایم ایس اور پی ایچ ڈی میں داخلوں کا سلسلہ ماہ ِفروری 2021میںشروع کیا جائے گا۔

(جاری ہے)

اجلاس میںقائم مقام رجسٹرارڈاکٹرمحمدصارم ،رئیس کلیہ سائنس پروفیسر ڈاکٹر محمد زاہد، رئیس کلیہ فنون و انچارج کلیہ تعلیمات پروفیسر ڈاکٹر محمدضیاء الدین،رئیس کلیہ نظمیات کاروبار،تجارت و معاشیات پروفیسر ڈاکٹر مسعود مشکور،پروفیسر ڈاکٹر زرینہ علی، ڈاکٹر نعیم الدین آرائیں، ڈاکٹر عبدالمجید، ڈاکٹر شائستہ عصمت، ڈاکٹر محمد شعیب، ڈاکٹر محمد خالد، ڈاکٹر ارم السلام، ڈاکٹر محمداسمٰعیل موسیٰ،ڈاکٹر غلام رسول لکھن،ڈاکٹر منزہ دانش،ڈاکٹر عبدالمتین(اسلام آباد کیمپس)، انچارج کلیہ انجینئرنگ اسلام آباد ڈاکٹر نوید علی قائم خانی،غزالہ یاسمین ،ناظم امتحانات غیاث الدین،فوزیہ بانو،ڈاکٹر عامر ندیم،ڈائریکٹر ایڈمیشن ڈاکٹر سید اخلاق حسین،ڈائریکٹر کیو ای سی ڈاکٹر سید شبر رضا، ڈائریکٹر آئی ٹی ڈاکٹر کامران احسن ،ڈائریکٹر ایوننگ(عبدالحق کیمپس)ڈاکٹر کمال حیدراور ڈائریکٹر ایوننگ (گلشن اقبال کیمپس)ڈاکٹر گوہر علی مہر شریک تھے۔