کراچی ،ْمنگھوپیر سے گمشدہ بچی کی لاش برآمد، بچی کو زیادتی کے بعد قتل کیا گیا

پولیس کے مطابق بچی کے ڈی این اے کے سیمپل لے لیے گئے ہیں، رپورٹ آنے کے بعد زیادتی کی تصدیق ہو سکے گی، پولیس

منگل 17 اپریل 2018 13:05

کراچی ،ْمنگھوپیر سے گمشدہ بچی کی لاش برآمد، بچی کو زیادتی کے بعد قتل کیا گیا

کراچی(اُردو پوائنٹ اخبارتازہ ترین - این این آئی۔ 17 اپریل2018ء) کراچی سے تین روزقبل لاپتہ ہونے والی بچی کی لاش منگھوپیرمیں کچراکنڈی سے مل گئی ہے، بچی کو زیادتی کے بعد قتل کیا گیا ہے۔تفصیلات کے مطابق کراچی کے علاقے منگوپیر میں کچرا کنڈی سے کم سن بچی کی لاش ملی ہے، پولیس کے مطابق ملنے والی بچی کی شناخت رابعہ کے نام سے ہوئی ہے جو اورنگی ٹائون بلوچ پاڑہ کی رہائشی ہے۔

(جاری ہے)

پولیس کے مطابق بچی دو روز قبل گھر سے کھیلنے کیلئے نکلی تھی ،جس کے بعد لاپتہ ہوگئی تھی، بچی کی گمشدگی کے بعد والد نے اورنگی ٹاون کے تھانے میں گمشدگی کا مقدمہ درج کروایا تھا۔بچی کے اہل خانہ نے خدشہ ظاہر کیا ہے کہ کے بچی کو زیادتی کے بعد قتل کیا گیا ہے، پولیس کے مطابق بچی کے ڈی این اے کے سیمپل لے لیے گئے ہیں، رپورٹ آنے کے بعد زیادتی کی تصدیق ہو سکے گی۔دوسری جانب تھانہ پیرآباد کی حدود میں کمسن بچی سے زیادتی کے خلاف اہل خانہ نے لاش کے ہمراہ جمشد پیٹرول پمپ ایم پی آر اورنگی روڈ پر احتجاج کیا ہے۔