کراچی،ملک میں ایک اور مصنوعی دل لگانے کا کامیاب آپریشن کرلیا گیا

این آئی سی وی ڈی میں ایل وی اے ڈیوائس لگانے کا یہ تیسرا کامیاب آپریشن ہے

جمعرات 19 جولائی 2018 18:08

کراچی،ملک میں ایک اور مصنوعی دل لگانے کا کامیاب آپریشن کرلیا گیا

کراچی (اُردو پوائنٹ اخبارتازہ ترین - این این آئی۔ 19 جولائی2018ء) ملک میں ایک اور مصنوعی دل لگانے کا کامیاب آپریشن کرلیا گیا۔ قومی ادارہ امراض قلب میں کیا جانے والا یہ تیسرا کامیاب آپریشن ہے۔تفصیلات کے مطابق ملک میں مکینکل ہارٹ کی ایک اور کامیاب سرجری کرلی گئی۔ این آئی سی وی ڈی میں ایل وی اے ڈیوائس لگانے کا یہ تیسرا کامیاب آپریشن ہے۔

(جاری ہے)

ڈاکٹر پرویز خان کا کہنا ہے کہ 58 سال کے بنارس خان کو مکینکل ہارٹ لگایا گیا، مریض صحتیابی کی طرف گامزن ہے۔انہوں نے بتایا کہ پاکستان میں اب تک مکینکل ہارٹ کی یہ تیسری کامیاب سرجری ہے۔ آپریشن کے بعد بنارس خان کو آئی سی یو منتقل کر دیا گیا ہے۔خیال رہے کہ پاکستان میں مصنوعی دل لگانے کا پہلا کامیاب آپریشن 9 جولائی کو کیا گیا تھا۔ٹرانسپلانٹیشن ٹیم کی سربراہی ڈاکٹر پرویز چوہدری کر رہے تھے جبکہ ٹیم میں امریکی ڈاکٹرز بھی شامل تھے۔ڈاکٹرز کے مطابق مریضہ نفیسہ احمد کا دل صرف 15 فیصد کام کر رہا تھا جس کے بعد انہیں مصنوعی دل لگانے کا فیصلہ کیا گیا۔