بلاول بھٹو کی کراچی آمد سے قبل صفورہ چو رنگی تا ایکسپو سینٹر تک دوکانیں بند کرادی گئیں، شہری پریشان

جمعہ 20 جولائی 2018 22:38

کراچی (اُردو پوائنٹ اخبارتازہ ترین - این این آئی۔ 20 جولائی2018ء) پاکستان پیپلز پارٹی کے چیئرمین بلاول بھٹو زرداری کی کراچی آمد سے قبل نماز جمعہ کے بعد سے ہی صفورہ چو رنگی تا ایکسپو سینٹر کے اطراف کی تما م دوکا نیں پو لیس والوں نے بند کروادیں جس سے شہریوں کو شدید مشکلات کا سامنا کرنا پڑاجبکہ چیئرمین پیپلزپارٹی بلاول بھٹو کی کراچی آمد سے پہلے پولیس کی جانب سے ٹینکرز کی پکڑ دھکڑ بھی شروع کردی گئی۔

یونیورسٹی روڈ پر ٹینکرز کی قطاریں لگ گئیں۔

(جاری ہے)

ڈرائیورز بھی پولیس کے رویے پر نالاں ہوگئے۔اس حوالے نائب امیر جما عت اسلامی کراچی اور این اے 243سے متحدہ مجلس عمل کے امیدوار ڈاکٹر اسامہ رضی نے اپنے ردعمل کا اظہا ر کر تے ہو ئے کہا ہے کہ پیپلز پارٹی کی جانب سے نکالی جانے والی ریلی کے دوران یونیورسٹی روڈ اور دیگر علاقوں میں دوکانیں بند کرانا افسوس ناک اور قابل مذمت ہے۔ انتخابی مہم اور ریلی کے دوران عام شہریوں اور دوکانداروں کو پریشان نہ کیا جائے۔زبردستی دوکانیں بند کرانے پر دوکانداروں کے اندر شدید غم و غصہ پید اہوگیا ہے۔یونیورسٹی روڈ پر کاروباری سرگرمیاں بحال کی جائیں۔