کیا احتساب منتخب سیاستدانوں کا ہی ہونا ہے ،ْ بختاور بھٹو زر داری

سوال یہ ہے کہ سابق آمر کہاں ہے،کیوں ابھی تک سابق آمر گالف کورس میں پایا جاتا ہے ،ْٹوئٹ

منگل 13 نومبر 2018 14:10

کیا احتساب منتخب سیاستدانوں کا ہی ہونا ہے ،ْ بختاور بھٹو زر داری

کراچی (اُردو پوائنٹ اخبارتازہ ترین - این این آئی۔ 13 نومبر2018ء) سابق صدر آصف زارداری کی صاحبزادی بختاور بھٹو زرداری نے کہا ہے کہ کیا احتساب منتخب سیاستدانوں کا ہی ہونا ہے میرے والد منگل کو بھی عدالت میں پیشی بھگت کر آئے ہیں۔کراچی کی بینکنگ کورٹ میں منگل کو ہونے والی منی لانڈرنگ کیس کی سماعت میں ضمانت پر رہا پیپلز پارٹی کے شریک چیئرمین آصف علی زرداری اور فریال تالپورپیش ہوئے تھے۔

(جاری ہے)

والد کی پیشی کے بعد بختاور بھٹو زرداری کا سوشل میڈیا پر بیان سامنے آیا جس میں انہوں نے کہا کہ میرے والد عدالت میں اپنی عبوری ضمانت کیلئے گئے تھے ، کوئی مسئلہ نہیں میرے والد کی زندگی عدالتوں میں گزری ہے،میرے والد تو عدالتوں کا احترام کرتے ہیں۔انہوں نے کہا کہ سوال یہ ہے کہ سابق آمر کہاں ہے،کیوں ابھی تک سابق آمر گالف کورس میں پایا جاتا ہے،کیا احتساب منتخب سیاستدانوں کا ہی ہونا ہے واضح رہے کراچی کی بینکنگ کورٹ نے منی لانڈرنگ کیس میں سابق صدرآصف زرداری اور ان کی ہمشیرہ فریال تالپور کی ضمانت میں توسیع کردی۔