مکران کے ساحل پر گیس کے بڑے ذخائر دریافت ہوئے ہیں ،ْچیئر مین جوائنٹ چیفس آف سٹاف کمیٹی جنرل زبیر محمود حیات

بدھ نومبر 14:24

مکران کے ساحل پر گیس کے بڑے ذخائر دریافت ہوئے ہیں ،ْچیئر مین جوائنٹ ..
کراچی (اُردو پوائنٹ اخبارتازہ ترین۔ 14 نومبر2018ء) جوائنٹ چیفس آف اسٹاف کمیٹی کے چیئرمین جنرل زبیر محمود حیات نے انکشاف کیا ہے کہ مکران کے ساحل پر گیس کے بڑے ذخائر دریافت ہوئے ہیں۔منعقدہ فیوچرز کانفرس جنرل زبیر محمود حیات نے کہا کہ ایک یورپی سروے کے مطابق پاکستانی دنیا کے عقلمند ترین افراد میں چوتھے نمبر پر ہیں، ملک میں معدنیات کے اربوں ڈالرز کے ذخائر موجود ہیں۔

تقریر کے بعد سوالوں کے جواب میں انہوںنے کہا کہ افغانستان میں آنے والے کل کے بجائے گزرے ہوئے کل میں امن کے خواہاں رہے ہیں لیکن صرف پاکستان افغانستان میں امن نہیں لا سکتا۔جوائنٹ چیفس آف اسٹاف کمیٹی کے چیئرمین نے بتایا کہ مکران کے ساحل پر حالیہ اوشیونوگرافی سروے میں بڑے گیس ذخائر دریافت ہوئے ہیں۔

(جاری ہے)

انہوںنے کہاکہ پاکستان 2030 ء میں صرف نیوکلیئر توانائی سے 8800 میگاواٹ بجلی پیدا کرے گا۔

انہوں نے کہا کہ نوجوانوں کی بڑی تعداد ملک کی ترقی کا زینہ ہے اور بڑی تعداد میں فیس بک، واٹس ایپ اور ٹیوٹر کے استعمال کی بنیاد پر ملک ای کامرس میں بہت تیزی سے ترقی کی راہ بنا سکتا ہے۔انہوں نے کہا کہ شیل آئل کے ذخائر کے اعتبار سے پاکستان دنیا میں نویں نمبر پر ہے جبکہ ملک میں معدنیا ت کے اربوں ڈالرز کے ذخائر موجود ہیں۔تقریر کے بعد سوالوں کے جواب میں جوائنٹ چیفس آف اسٹاف کمیٹی چیئرمین کا کہنا تھا کہ انہوں نے اپنی 43سالہ سروس میں کبھی بھی افغانستان کے لیے اسٹریٹیجک ڈیپتھ کا لفظ نہیں سنا۔انہوں نے کہا کہ افغانستان میں آنے والے کل کے بجائے گزرے ہوئے کل میں امن کے خواہاں رہے ہیں، لیکن صرف پاکستان افغانستان میں امن نہیں لا سکتا۔

کراچی شہر میں شائع ہونے والی مزید خبریں:

Your Thoughts and Comments