آرمی چیف قمر جاوید باجوہ کاکراچی میں رینجرز ہیڈ کوارٹرز کا دورہ ،ْصوبے بھر کی سیکیورٹی صورتحال پر بریفنگ

کراچی میں سیکیورٹی صورتحال کو مزید بہتر بنائیں گے ،ْ آرمی چیف جنرل قمر جاوید باجوہ

ہفتہ 17 نومبر 2018 20:00

آرمی چیف قمر جاوید باجوہ کاکراچی میں رینجرز ہیڈ کوارٹرز کا دورہ ،ْصوبے بھر کی سیکیورٹی صورتحال پر بریفنگ

کراچی(اُردو پوائنٹ اخبارتازہ ترین - این این آئی۔ 17 نومبر2018ء) آرمی چیف جنرل قمر جاوید باجوہ نے کہاہے کہ کراچی میں سیکیورٹی صورتحال کو مزید بہتر بنائیں گے۔پاک فوج شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کراچی میں رینجرز ہیڈ کوارٹرز کا دورہ کیا جہاں ڈی جی رینجرز نے سربراہ پاک فوج کو صوبے بھر کی سیکیورٹی صورتحال پر بریفنگ دی۔

(جاری ہے)

آئی ایس پی آر کے مطابق آرمی چیف کو کراچی میں امن و امان کی صورتحال پر بھی بریفنگ دی گئی۔آرمی چیف جنرل قمر جاوید باجوہ نے کہا کہ کراچی قومی معیشت میں انجن کی حیثیت رکھتا ہے، کراچی میں سیکیورٹی صورتحال کو مزید بہتر بنائیں گے۔انہوں نے کہا کہ امن و امان کی بہتری سے کراچی میں تجارتی سرگرمیاں مثبت انداز میں جاری ہیں۔آئی ایس پی آر کے مطابق کور کمانڈر کراچی لیفٹیننٹ جنرل ہمایوں عزیز بھی آرمی چیف کے ہمراہ تھے۔