معروف شاعر و ادیب رئیس امروہوی کی31ویں برسی منائی گئی

رئیس امروہوی کا اصل نام سید محمد مہدی تھا اور وہ 12 ستمبر 1914 کو امروہہ میں پیدا ہوئے تھے

اتوار ستمبر 19:35

ْکراچی(اُردو پوائنٹ اخبارتازہ ترین - این این آئی۔ 22 ستمبر2019ء) معروف شاعر و ادیب رئیس امروہوی کی اتوارکو31ویں برسی منائی گئی۔رئیس امروہوی کا اصل نام سید محمد مہدی تھا اور وہ 12 ستمبر 1914 کو امروہہ میں پیدا ہوئے تھے۔صحافتی شاعری یا قطعہ نگاری کو ادبی صنف کے طور پر منوانے والے رئیس امروہوی حیرت انگیز تخلیقی ذہن کے مالک تھے۔

(جاری ہے)

قیام پاکستان کے بعد انہوں نے کراچی میں سکونت اختیار کی اور روزنامہ جنگ کراچی سے بطور قطعہ نگار اور کالم نگار وابستہ ہوگئے، اس ادارے سے ان کی یہ وابستگی تا عمر جاری رہی۔

رئیس امروہوی کے شعری مجموعوں میں الف، پس غبار، حکایت نے، لالہ صحرا، ملبوس بہار، آثار اور قطعات کے سات مجموعے شامل ہیں جبکہ نفسیات اور مابعدالطبیعات کے موضوعات پر ان کی نثری تصانیف کی تعداد ایک درجن سے زائد ہے۔رئیس امروہوی کے بھائی سید محمد تقی اور جون ایلیا بھی اردو ادب کی معروف شخصیات میں شامل ہیں۔وہ 22 ستمبر 1988 کو ایک نامعلوم قاتل کی گولیوں کا نشانہ بن گئے اور کراچی میں سخی حسن کے قبرستان میں آسودہ خاک ہوئے۔

متعلقہ عنوان :

کراچی شہر میں شائع ہونے والی مزید خبریں:

Your Thoughts and Comments