کوئی بھی مسئلہ ہو مجھے فون کریں۔ وزیراعلیٰ سندھ نے پہلی پوزیشن لینے والے طالبعلم کو اپنا نمبر دے دیا

کراچی (اُردو پوائنٹ تازہ ترین اخبار۔ 22 اکتوبر 2019ء) : کامرس انٹرمیڈیٹ کے امتحان میں پہلی پوزیشن حاصل کرنے والے اخبار فروش کے بیٹے انس حبیب سے وزیراعلیٰ سندھ مراد علی شاہ نے ملاقات کی ہے اور انہیں کتاب کا تحفہ بھی پیش کیا ہے۔مراد علی شاہ نے ہونہار طالب علم انس حبیب کو اعلیٰ تعلیم کے لیے حکومت سندھ کی جانب سے بھرپور تعاون کرنے کی یقین دہانی کروائی ہے۔

وزیراعلیٰ سندھ نے طالب علم کا موبائل نمبر لیا اور کہا کہ کوئی بھی مسئلہ ہو آپ بلاجھجک فون کریں۔مراد علی شاہ نے سندھ کی معiشت پر لکھی گئی کتابب بھی انس کو بطرو تحفہ پیش کی۔جب کہ ان کے والد کو وزیراعلیٰ ہاؤس کی شیلڈ پیش کی۔اور بیٹے کی کامیابی پر مبارکباد پیش کی۔اس سے قبل مئیر کراچی وسیم اختر نے نوجوانان کراچی کو پورے ملک کے لئے باعث افتخار قرار دیا ہے۔

(جاری ہے)

مئیر کراچی انٹر کامرس میں پہلی پوزیشن حاصل کرنے والے نوجوان انس حبیب کے گھر اتوار کو مبارک دینے پہنچے۔ وسیم اختر نے اول آنے والے نوجوان کے والدین کو مبارک باد دیتے ہوئے کہا کہ کراچی کے نوجوانوں نے عالمی سطح پر ملک و قوم کا نام روشن کرکے دکھایا ہے اور انس حبیب بھی ایسے ہی باصلاحیت نوجوانوں میں سے ایک ہے۔ ایک سوال کے جواب میں مئیر کراچی نے کہا کہ اس بات میں کوئی شک نہیں کہ بعض عناصر کی جانب سے دانستہ طور پر کراچی کے ہنر مند اور باصلاحیت نوجوانوں کو نیچا دکھانے کی کوشش کی جاتی رہی ہے مگر اس شہر کے سپوتوں کو یہ اعزاز حاصل ہے کہ ہر مشکل اور رکاوٹ کو خاطر میں نہ لاتے ہوئے ہمیشہ وطن کی مٹی کی لاج رکھی ہے۔

وسیم اختر کی جانب سے انس حبیب کو بطور حوصلہ افزائی کیش انعام سے بھی نوازا گیا۔خیال رہے کہ واضح رہے کہ انس حبیب نے 1100 نمبر میں سے 969 لے کر پہلی پوزیشن حاصل کی تھی۔