گورنر سندھ کی زیر صدارت حیدرآباد یونیورسٹی کے قیام کے سلسلے میں بنائی گئی کمیٹی کا اجلاس

تعلیمی ادارے کے قیام سے حیدرآباد کے نوجوانوں کو جدید تعلیم کے حصول میں آسانی پیدا ہوگی،عمران اسماعیل

بدھ 13 نومبر 2019 19:11

گورنر سندھ کی زیر صدارت حیدرآباد یونیورسٹی کے قیام کے سلسلے میں بنائی گئی کمیٹی کا اجلاس

کراچی (اُردو پوائنٹ اخبارتازہ ترین - این این آئی۔ 13 نومبر2019ء) گورنر سندھ عمران اسماعیل کی زیر صدارت حیدرآباد یونیورسٹی کے قیام کے سلسلے میں بنائی گئی کمیٹی کا اجلاس گورنر ہائوس میں منعقد ہوا۔ اجلاس میں رکن قومی اسمبلی صابر قائم خانی، رکن سندھ اسمبلی صلاح الدین ، میئر حیدرآباد طیب حسین ، ممبرلینڈ یوٹی لائزیشن تمیز الدین، ڈپٹی ڈائریکٹر پلاننگ اینڈ ڈیولپمنٹ ایچ ای سی ، سینئر جنرل منیجرکنسٹرکشن بحریہ ٹائون، ڈپٹی ڈائریکٹر حیدآباد ڈیولپمنٹ اتھارٹی اور دیگر شامل تھے۔

(جاری ہے)

اجلاس میں گورنر سندھ نے کہا کہ تعلیمی ادارے کے قیام سے حیدرآباد کے نوجوانوں کو جدید تعلیم کے حصول میں آسانی پیدا ہوگی۔ انہوں نے مزید کہا کہ موجودہ حکومت ملک بھر میں تعلیم کے فروغ کے لئے کوشاں ہے جبکہ بحریہ ٹائون کی جانب سے تعلیمی ادارے کے لئے زمین فراہم کرنا قابل ستائش امر ہے۔ اجلاس میں رکن قومی اسمبلی صابر قائم خانی نے کہاکہ جدید خطوط پر آراستہ تعلیمی ادارے کا قیام حیدرآباد کا دیرینہ مطالبہ تھا جوکہ پورا ہونے جارہا ہے۔ اجلاس میں بحریہ ٹائون کے سینئر جنرل منیجر نے بتایا کہ بحریہ ٹائون تعلیمی ادارے کے قیام کے لئے ہر ممکن تعاون فراہم کررہی ہے۔