گزشتہ 24گھنٹوں میں 8 مریض انتقال کرگئے جبکہ 1664نئے کیسز رپورٹ ہوئے، وزیراعلیٰ سندھ

کراچی (اُردو پوائنٹ اخبارتازہ ترین - این این آئی۔ 04 دسمبر2020ء) وزیراعلی سندھ سید مراد علی شاہ نے کورونا وائرس کی صورتحال بیان کرتے ہوئے کہاکہ گزشتہ 24گھنٹوں میں 8 مریض انتقال کرگئے جبکہ 1664نئے کیسز رپورٹ ہوئے اور 972 افراد صحتیاب ہوئے ہیں ۔ وزیراعلی سندھ نے کہا کہ گزشتہ 24 گھنٹوں میں 15500 نمونوں کی جانچ کی گئی جس کے نتیجے میں 1664نئے کیسز سامنے آئے ہیں جو کہ تشخیص کی شرح کا10.7 فیصد ہے۔

انہوں نے کہا کہ سندھ میں ابتک کورونا کی2037493 ٹیسٹ کیے جاچکے ہے اور 180904 کیسز رپورٹ ہوچکے ہیں۔انہوں نے کہا کہ آج مزید 972 مریض صحتیاب ہوئے ہیں اس طرح صحتیاب افراد کی تعداد 157006 ہوچکی ہے یعنی بحالی کی شرح87 فیصد ہے۔ انہوں نے کہا کہ 8 مزید افراد کے انتقال سے انتقال کرنے والوں کی مجموعی تعداد 2991 ہوگئی ہے جو کہ اموات کی شرح کا 1.7 فیصد ہے۔

(جاری ہے)

انہوں نے کہا کہ اس وقت 20907مریض زیر علاج ہیں جن میں سی20066 گھروں میں ، 11آئسولیشن سینٹرزمیں اور 830 مریض مختلف اسپتالوں میں زیر علاج ہیں ۔

انہوں نے کہا کہ 729 مریضوں کی حالت تشویشناک بتائی گئی ہے جن میں سے 73 مریض وینٹی لیٹرز پر ہیں۔انہوں نے کہا کہ 1664نئے کیسز میں سے 1360 کا تعلق کراچی سے ہے جن میں ضلع جنوبی 445 ، ضلع شرقی 431،ضلع غربی 166 ،ضلع کورنگی 116، ضلع وسطی 112 اور ضلع ملیر میں سے 90 مزید نئے کیسز ظاہر ہوئے ہیں اسی طرح حیدرآباد94، جامشورو21، لاڑکانہ17،شہید بینظیرآباد16، سجاول15،نوشہروفیروز، جیکب آباد، دادو اور عمرکوٹ8-8 ،میرپورخاص 5،بدین اورگھوٹکی6-6، قمبر اورسانگھڑ4-4،خیرپور، مٹیاری، سکھر اور ٹھٹھہ 2-2،شکارپور اور ٹنڈوالہیار میں سے 1-1 نئے کیسزرپورٹ ہوئے ہیں۔وزیراعلی سندھ نے عوام پر زور دیتے ہوئے کہا کہ وہ محتاط رہیں اور ایس او پیز پر عمل کرکے خود کو اور اپنے خاندان کو اس وبا سے محفوظ رکھیں ۔