یوسف رضا گیلانی نے اپوزیشن لیڈر سینٹ سے مستعفی ہونے کا عندیہ دے دیا

ہم نے جمہوریت کیلئے جانیں اور قربانیاں دیں، پیپلز پارٹی پر ایسے الزامات برداشت نہیں، جن میں کوئی حقیقت نہ ہو، لیڈر اپوزیشن سینٹ یوسف رضا گیلانی

Danish Ahmad Ansari دانش احمد انصاری اتوار 11 اپریل 2021 19:55

یوسف رضا گیلانی نے اپوزیشن لیڈر سینٹ سے مستعفی ہونے کا عندیہ دے دیا
کراچی (اُردو پوائنٹ، تازہ ترین اخبار، 11اپریل 2021) سینٹ میں پیپلز پارٹی کے اپوزیشن لیڈر یوسف رضا گیلانی نے پیپلز پارٹی کو اپوزیشن لیڈر کے عہدے سے مستعفی ہونے کی پیش کش کر دی۔ تفصیلات کے مطابق یوسف رضان گیلانی نے سی ای سی کے اجلاس میں پیپلز پارٹی کو اپوزیشن لیڈر کے عہدے سے مستعفی ہونے کی پیش کش کرتے ہوئے کہا کہ اگر پارٹی سمجھتی ہے کہ تو میں ابھی مستعفی کو تیار ہوں۔

پیپلز پارٹی کی سینٹرل ایگزیکٹو کمیٹی کے اجلاس میں یوسف رضا گیلانی نے کہا کہ ہم نے جمہوریت کے لئے جانیں اور قربانیاں دیں ہیں۔ پیپلز پارٹی پر ایسے الزامات نہیں لگائے جا سکتے جن میں کوئی حقیقت نہ ہو۔ ذرائع نے بتایا ہے کہ چیئر مین پیپلز پارٹی بلاول بھٹو کی زیر صدارت بلاول ہا وس میں ہونے والے سینٹرل ایگزیکٹو کمیٹی(سی ای سی) اجلاس میں پی پی پی شعبہ خواتین کی مرکزی صدر فریال تالپورنے بھی شرکت کی،آصف زرداری بذریعہ ویڈیو لنک سی ای سی اجلاس میں شریک ہوئے۔

(جاری ہے)

اجلاس میں پی ڈی ایم کی جانب سے استعفوں کی تجویز پر تبادلہ خیال کیا گیا، اس کے علاوہ مستقبل میں اپوزیشن کی حکمت عملی پر بھی غورکیاگیا۔اجلاس میں پی ٹی آئی اورآئی ایم ایف ڈیل کے معیشت پراثرات اورسٹیٹ بینک آرڈیننس پر بھی بات چیت ہوئی،سی ای سی اجلاس میں کشمیر پر پی ٹی آئی کی کنفیوڑ پالیسی پر تبادلہ خیال کیاگیا۔وزیراعلی سندھ مراد علی شاہ نے سی ای سی کے شرکا کو کل ہونے والی مشترکہ مفادات کونسل کے اجلاس کے حوالے سے بریفنگ دی،پیپلزپارٹی کی سی ای سی کے شرکا کی دی گئی پالیسی کے تحت مراد علی شاہ کل مشترکہ مفادات کونسل میں عوام کا مقدمہ لڑیں گے۔

ذرائع کے مطابق بلاول ہاوس میں پی پی سی ای سی اجلاس میں پی ڈی ایم کاشوکاز نوٹس زیربحث آیا،بلاول نے اجلاس کے شرکا کو شاہد خاقان کاشوکاز نوٹس پڑھ کر سنایا،بلاول بھٹو نے شاہد خاقان عباسی کے شوکاز نوٹس کو پھاڑ کر پھینک دیا،بلاول کی جانب سے نوٹس پھاڑنے پر شرکا نے تالیاں بجائیں۔چیئرمین بلاول بھٹو زرداری نے کہاکہ عزت کیلئے سیاست کرتے ہیں، عزت سے بڑھ کر کچھ نہیں ،بلاول بھٹو نے کہاکہ پی ڈی ایم میں ہم برابری کی بنیاد پر شامل ہوئے تھے لیکن یہ کوئی طریقہ نہیں کہ ہمیں ڈکٹیٹ کیا جائے یا کوئی نوٹس دے دیا جائے، پی ڈی ایم میں ہم کسی کو جواب دہ نہیں ہے۔

کراچی میں شائع ہونے والی مزید خبریں