آزاد کشمیر کے انتخابات میں کھلم کھلا دھاندلی ہوئی، ایک وزیر پیسے بانٹ رہا تھا اور فائرنگ کی گئی،بلاول بھٹو زرداری
عام انتخابات کسی بھی وقت ہوسکتے ہیں،پیپلز پارٹی کو اب سے تیاری شروع کرنی چاہیے،کراچی میں محنت سے حکومت کرنی ہے،ہمیں بڑی بڑی قوتوں کا مقابلہ کرنا ہے آپس کے اختلافات ایک طرف کرنے پڑیں گے،مجھے نظر آرہا ہے اگلی حکومت پیپلزپارٹی کی ہوگی، کراچی کے عوام جان چکے ہیں اگر ہم نے کراچی کو بچانا ہے تو پی ٹی آئی کو بھگانا ہے،ان دہشتگردوں کو بھگانا ہے،تقریب سے خطاب
جمعرات 29 جولائی 2021 23:28
(جاری ہے)
انہوں نے کہاکہ ہم نے اس سوچ کو رد کرتے ہوئے تجویز دی تھی کہ جب گلگت میں انتخابات ہوں تو وہاں مداخلت نہ کریں اور کشمیر میں روایت ہے کہ کون سی جماعت اقتدار حاصل کرتی ہے۔
انہوں نے کہا کہ ان تمام حالات کے باوجود میں گلگت، اسکردو اور کشمیر میں گیا اور پی پی پی کے جیالے پہاڑوں میں جدوجہد کر رہے ہیں اور نظریے کو آگے لے کر چل رہے ہیں۔انہوں نے کہاکہ کشمیر میں جس طرح کھلے عام اور جس تشدد سے دھاندلی ہو رہی تھی، سب نے دیکھا، پاکستان کا ایک وزیر وہاں پیسے بانٹ رہا تھا اور فائرنگ کر رہا تھا اور امیدواروں پر قاتلانہ حملے ہوئے ہیں۔انہوں نے کہاکہ اسکے باوجود پیپلز پارٹی اپوزیشن کی بڑی جماعت بن کر سامنے آئی ہے، ہم کشمیر میں ان کو مشکلات سے دوچار کر رہے ہیں اور یہاں کراچی میں بھی ان کو شکست دی ہے۔انہوں نے کارکنوں کو مخاطب کرکے کہا کہ جس طرح آپ نے کراچی میں بلوچ صاحب کے انتخاب میں پی ٹی آئی کو عبرت ناک شکست دی تھی اور قادر مندوخیل کے الیکشن میں بھی پی ٹی آئی اور دیگر کو عبرت ناک شکست دی تھی اسی طرح اب اس جدوجہد کو ہمارے ساتھ آگے لے کر چلنا ہے۔انہوں نے کہا کہ ہمارے سامنے مقامی حکومتوں کے انتخابات ہیں، کسی بھی وقت عام انتخابات ہوسکتے ہیں، اس کے لیے پیپلز پارٹی کو اب سے تیاری شروع کرنی چاہیے۔انہوں نے کہاکہ ہمیں کراچی میں محنت سے حکومت کرنی ہے، وسائل کم ہیں، نہ این ایف سی دیا جاتا ہے اور نہ آپ کا حق دیا جاتا ہے، اوپر سے آپ جدوجہد کر رہے ہوتے ہیں تو ایم کیو ایم والے سامنے آجاتے ہیں لیکن آپ نے وفاق کا بھی مقابلہ کیا اور ان بدمعاشوں کا بھی مقابلہ کیا۔بلاو ل بھٹو نے کہاکہ اب کراچی کے عوام جان چکے ہیں کہ اگر ہم نے کراچی کو بچانا ہے تو پی ٹی آئی کو بھگانا ہے اور ان دہشت گردوں کو بھگانا ہے، کراچی کو بچانے کے لیے ایک ہی جواب ہے، پاکستان پیپلز پارٹی ہے۔انہوں نے کہاکہ ابھی ہمارے پاس وقت کم ہے، آپس کے اختلافات بھلانے پڑیں گے، 6 سے 8 مہینوں کے لیے ذاتی پسند نا پسند اور آپس کے اختلافات ختم کریں، ہمیں بڑی بڑی قوتوں کا مقابلہ کرنا ہے اور ان کا مقابلہ کرنا ہے تو میں آپس کے اختلافات ایک طرف کرنے پڑیں گے اور مل کر ایک ہو کر جس طرح ضمنی انتخابات میں کیا ویسے ہی آگے بڑھنا ہے۔انہوں نے کہاکہ جہاں انتظامی اور ترقیاتی کام ہیں، ان میں بہتری آئی ہے لیکن اس میں سیاسی اونر شپ، سیاسی نگرانی اور چیک اینڈ بیلنس شاید نہیں ہے، وزیراعلی کا خصوصی ٹاسک دیا ہے کہ خاص کر کراچی کے لیے ایسا حل نکالیں۔انہوں نے کہاکہ کراچی کے عوام کے مسائل حل کریں اور ہر ضلعے میں ایک ایسے سیاسی نمائندے کو چنا جائے جو وہاں کے عوام کے مسائل کو جان سکے، وہاں کی بیوروکریسی اور انتظامیہ پر ایک چیک رکھ سکے، اس کا تعلق عوام سے ہو اور اس کی رسائی وزیراعلی سندھ اور وزرا تک ہو اور عوام کے مسائل حل کروا سکیں۔انہوں نے کہاکہ کراچی میں تین بڑے مسئلے ہیں، ان میں پہلے نمبر پر پانی کا مسئلہ ہے، وفاقی وزرا نے بھی تسلیم کیا کہ اس صوبے کے پانی کا حصہ کم مل رہا ہے لیکن عمران خان نے اب تک اس میں کوئی اضافہ نہیں کیا۔چیئر مین پیپلز پارٹی نے کہاکہ میں چاہتا ہوں کہ تنظیم کے ذریعے کراچی میں پانی کا مسئلہ حل کریں، کراچی میں اگر پانی کی چوری روکنا ہے تو پھر پی پی پی کے جیالوں کو اس حکومت کی آنکھ، کان اور ناک بننا پڑے گا تاکہ مل کر محنت کرکے کراچی کے عوام تک پانی پہنچا سکیں گے۔انہوں نے کہاکہ دوسرا کچرا کا مسئلہ ہے، اس میں بہتری آئی ہے، جو اضلاع ایم کیو ایم کے پاس ہوتی تھیں وہ اب ان کے پاس نہیں ہیں اور وہاں سولڈ ویسٹ منیجمنٹ کام کر رہی ہے،وہاں بھی کامیاب ہونے کے لیے آپ کی سیاسی نگرانی اور چیک اینڈ بیلنس ضروری ہے تاکہ اس مسئلے میں بہتری آسکے۔انہوں نے کہاکہ ہماری کوشش ہے کہ ٹرانسپورٹ کے بڑے منصوبے شروع کرنے سے پہلے ہم کراچی کی سڑکوں پر ٹرانسپورٹ کے لیے بسیں پہنچانا شروع کریں اور میرے خیال میں اس سال کے آخر تک یہ سلسلہ شروع ہوجائے گا اور ہر مہینے اور دو مہینے بعد اس میں اضافہ ہوتا جائیگا۔انہوں نے کارکنوں کو ہدایت کرتے ہوئے کہا کہ ان تین مسائل پر آپ نے محنت کرنی ہے اور حکومت سندھ نے بھی محنت کرنی ہے اور جہاں تک بڑے مسائل کی بات ہے تو حکومت کو مہنگائی، بے روزگاری اور پی ٹی آئی ایم ایف بجٹ کی وجہ سے عوام غربت میں جس طریقے سے ڈوب رہے ہیں اس پر مجبور کرنا ہے۔انہوں نے کہاکہ مجھے نظر آرہا ہے کہ اگلی حکومت پیپلزپارٹی کی ہوگی، اگر پی پی پی کی حکومت ہونی ہے تو اس حکومت کو کھڑا کرنے، منتخب کرنے کے لیے کراچی کی نشستوں کی ضرورت ہے اور کراچی کی اونرشپ کی ضرورت ہے اور اس کے لیے یہ اہم وقت ہے۔انہوں نے کہا کہ پیپلزپارٹی کے پاس اچھا موقع ہے کہ ایم کیو ایم کے دہشت گردوں کا راج ختم ہوچکا لیکن پی ٹی آئی کی شکل میں ایک نئی ایم کیو ایم سامنے آئی ہے، پی پی پی نے جیسے ان کا مقابلہ کیا تھا ویسے اس سلیکٹڈ حکومت کا مقابلہ کریں گے۔متعلقہ عنوان :
کراچی میں شائع ہونے والی مزید خبریں
خوشی ہے کہ پی ایس ایل سیزن نائن میرے لیے بہت اچھا ایونٹ ثابت ہوا، عماد وسیم
سوشل میڈیا پر شہیدوں کا مذاق اڑانے والوں کے خلاف کارروائی کی جائے، رائے سلطا ن احمد بھٹی
کراچی : سندھ ہیلتھ کیئر کمیشن کی انسداد عطائیت کی چھاپہ مار ٹیم کی کارروائی ،7کلینکس کو سیل کردیا
آرٹس کونسل ڈسٹرکٹ سینٹرل میں کمپیوٹر انسٹیٹیوٹ کے قائم کی منظوری ،کلاسز کا آغاز عیدالفطر کے بعد ہو گا
تھانہ مومن آباد پولیس نے جعلی پولیس اہلکاروں کو گرفتارکرکے مقدمہ درج کرلیا
کسی بھی ایس ایچ او کے علاقے میں آرگنائزر کرائم کو برداشت نہیں کیا جائے گا ،ایس ایس پی ویسٹ
ضلع جنوبی کے پرائس کنٹرول مجسٹریٹس کی ذخیرہ اندوزوں کے خلاف کارروائیاں جاری
آصفہ بھٹو زرداری کی قومی اسمبلی میں آمد انسانی حقوق باالخصوص خواتین حقوق کی ضامن ثابت ہوگی،آصف خان ..
فوج کے خلاف منفی پروپیگنڈے کرنے والوں کو قوم کبھی معاف نہیں کریگی، حاجی جمیل ضیا
کراچی یونیورسٹی ڈیبیٹنگ سوسائٹی کے طلباء سے شیخ الجامعہ پروفیسرڈاکٹر خالد محمودعراقی کی ملاقات
موٹر سائیکلوں کی چوری اور گاڑیوں کے شیشے توڑنے والے گروپ کے 2 کارندے گرفتار
ٹینگ گروپ کی جانب سے پاکستان اور چین میں مشترکہ تعلیمی تبادلوں کے فروغ کے لیئے فریم ورک معاہدہ
کراچی سے متعلقہ
پاکستان کی تازہ ترین خبریں
-
وزیرخارجہ اسحاق ڈارپہلے غیرملکی دورے پربرطانیہ روانہ
-
آصف علی زرداری سے بحرین نیشنل گارڈ کے کمانڈر جنرل شیخ محمد بن عیسیٰ بن سلمان الخلیفہ کی ملاقات ، دوطرفہ تعلقات پرگفتگو
-
وزیراعظم محمد شہبازشریف سے جیولن تھرواتھلیٹ ارشد ندیم کی ملاقات
-
دفترخارجہ کی بھارت کی طرف سے کشمیری سیاسی جماعتوں پرپابندی کی شدید مذمت
-
احتساب عدالت نے حسن اورحسین نواز تینوں ریفرنسز میں بری کر دیا
-
خوشی ہے کہ پی ایس ایل سیزن نائن میرے لیے بہت اچھا ایونٹ ثابت ہوا، عماد وسیم
-
ای او بی آئی: انتظامیہ کی سنگین غفلت ، دس برس گزر جانے کے بعد بھی برطرف افسران سے 140 سرکاری گاڑیاں اور لیپ ٹاپ بازیاب نہ ہوسکے
-
سندھ ہائی کورٹ ، عورت مارچ کے نام پرمخصوص خواتین کی جانب سے فحاشی پھیلانے کے خلاف درخواست پرڈپٹی کمشنرودیگر کو نوٹس جاری
-
سندھ ہائی کورٹ ، سہارن کوآپریٹو ہائوسنگ سوسائٹی کی زمین بلڈرزکو دینے کے الزام سے متعلق درخواست کی مزیدسماعت 4 ہفتوں تک ملتوی
-
خواتین کی بڑی تعداد کا شعبہ زراعت سے وابستہ ہونا خوش آئند ہے ، نفیسہ شاہ
-
صدرمملکت کو آڈیٹرجنرل آف پاکستان نے وفاقی حکومت کی آڈٹ رپورٹ پیش کر دی
-
پی ٹی آئی کا وفد پاک فوج کے شہدا ء کے گھروں میں جائے گا ‘ زین قریشی