حکومتی مشکلات میں اضافہ‘ ایم کیو ایم کا علحیدگی اور قبل از وقت انتخابات کا عندیہ

اگر قوم کو ضرورت ہوتو قبل از وقت انتخابات ہونے چاہئیں ‘ ووٹ نہیں بولے گا تو روڈ بولے گا ، جس دن ہماری حجت تمام ہوئی ہم حکومت ہی نہیں ایوان بھی چھوڑ دیں گے۔ کنوینر متحدہ قومی موومنٹ ڈاکٹر خالد مقبول صدیقی

Sajid Ali ساجد علی اتوار 24 اکتوبر 2021 11:04

حکومتی مشکلات میں اضافہ‘ ایم کیو ایم کا علحیدگی اور قبل از وقت انتخابات کا عندیہ
کراچی ( اُردو پوائنٹ اخبارتازہ ترین ۔ 24 اکتوبر 2021ء ) حکمران اتحاد میں شامل متحدہ قومی موومنٹ پاکستان نے حکومت سے علحیدگی اور قبل از وقت انتخابات کا عندیہ دے دیا ، ڈاکٹر خالد مقبول صدیقی کہتے ہیں کہ اگر قوم کو ضرورت ہوتو قبل از وقت انتخابات ہونے چاہئیں، ووٹ نہیں بولے گا تو روڈ بولے گا ، حکومت کا ساتھ جمہوریت بچانے کیلیے دیا، ہمارے بغیر بھی جمہوریت بچ سکتی ہے تو ہم علیٰحدہ ہوسکتے ہیں ، ہم کسی کے آلہ کار نہیں بنیں گے، جس دن ہماری حجت تمام ہوئی ہم حکومت ہی نہیں ایوان بھی چھوڑ دیں گے۔

تفصیلات کے مطابق ایم کیو ایم کے مشاورتی اجلاس کے بعد میڈیا سے گفتگو میں انہوں نے کہا کہ ہم نے حکومت سے کوئی تنظیمی مطالبات نہیں کیے تھے لیکن اس وقت ملک کے حالات بہت خراب ہیں ، مہنگائی بہت ہوگئی ہے ، بدانتظامی بھی مہنگائی کی وجہ ہے ، عوام کے لیے انتظام کریں تاکہ وہ زندہ رہ سکیں ، تعلیم کے لیے بھی کچھ کرنا چا ہیے ، انہوں نے کہا کہ لگتا ہے بیلٹ پیپر کم ہوگئے ہیں، ووٹ نہیں بولے گا تو روڈ بولے گا ،ایم کیو ایم پاکستان کے منتخب اراکین اسمبلی اور سابقہ بلدیاتی نمائندہ گان اپنا کام شروع کردیں، جب حکومتی مشینری عوامی مسائل حل نہیں کرے گی تو ہم کریں گے، حکومتوں نے عوامی مسائل حل نہیں کیے تو ہم شیڈو کیبنٹ بنائیں گے ، شہری سندھ کے عوامی مسائل ہمیشہ ہم نے حل کیے ہیں اس بار بھی ہم ہی کریں گے، سابقہ بلدیاتی نمائندے عوامی مسائل کے حل کیلیے کوششیں تیزکردیں، جب تک نئے بلدیاتی نمائندے منتخب نہیں ہوتے آپ ہی بلدیاتی نمائندے ہیں۔

(جاری ہے)

خالد مقبول صدیقی نے کہا کہ جو لوگ حکومتی بینچز پر بیٹھنا چاہتے ہیں وہ ایم کیو ایم سے اْمید لگائے بیٹھے ہیں ، ہم کسی کے آلہ کار نہیں بنیں گے، ہمیں لیڈر نہیں کارکن چاہئیں ، اس لیے ایم کیو ایم کے دروازے سب کے لیے کھلے ہیں مگر واپسی کے لیے کوئی شرط قبول نہیں کی جائے گی۔

کراچی شہر میں شائع ہونے والی مزید خبریں:

Your Thoughts and Comments