تکنیکی خرابی کے باعث پاکستان سٹاک ایکسچینج میں کاروباری سرگرمیاں بند

جیڈ ٹریڈنگ ٹرمینل میں کچھ تکنیکی مسائل کی نشاندہی ہوئی ہے جس کی وجہ سے سٹاک مارکیٹ کو بند کردیا گیا ہے.ترجمان

Mian Nadeem میاں محمد ندیم بدھ 27 اکتوبر 2021 13:36

تکنیکی خرابی کے باعث پاکستان سٹاک ایکسچینج میں کاروباری سرگرمیاں بند
کراچی(اردوپوائنٹ اخبارتازہ ترین-ا نٹرنیشنل پریس ایجنسی۔27 اکتوبر ۔2021 ) پاکستان سٹاک ایکسچینج (پی ایس ایکس) میں کاروباری سرگرمیاں ”تکنیکی مسائل“ کی وجہ سے عارضی طور پر دو گھنٹے کے لیے معطل ہیں.

(جاری ہے)

اسٹاک مارکیٹ کی ویب سائٹ پر اپ ڈیٹ میں کہا گیا کہ جیڈ ٹریڈنگ ٹرمینل (جے ٹی ٹی) میں کچھ تکنیکی مسائل کی نشاندہی ہوئی ہے بیان میں کہا گیا کہ مسائل کے تفصیلی جائزے اور سرمایہ کاروں کے مفادات کے تحفظ کے لیے ایکسچینج نے آج کاروباری سیشن 12 سے 2 بجے تک دو گھنٹوں کے لیے معطل کرنے کا فیصلہ کیا ہے.

اپ ڈیٹ میں کہا گیا کہ مارکیٹ میں دو گھنٹے بعد پری اوپن کے ساتھ کاروباری سرگرمیوں کا دوبارہ آغاز ہوگا مارکیٹ میں کاروبار معطل ہونے سے قبل 100 انڈیکس 694 پوائنٹس کے اضافے کے ساتھ 45 ہزار 922 پوائنٹس کی سطح پر تھا. واضح رہے کہ حالیہ چند ہفتوں کے دوران حصص مارکیٹ میں اتار چڑھاﺅ نظر آرہا ہے اور سیاسی و معاشی سطح پر بے یقینی کی وجہ سے مارکیٹ دباﺅ کا شکار نظر آرہی ہے.

متعلقہ عنوان :

کراچی میں شائع ہونے والی مزید خبریں