وزیراعلیٰ سندھ نے صوبائی کابینہ کا اجلاس کل وزیراعلیٰ ہائوس میں طلب کرلیا

بدھ 1 دسمبر 2021 00:32

کراچی (اُردو پوائنٹ اخبارتازہ ترین - این این آئی۔ 30 نومبر2021ء) وزیراعلی سندھ سید مراد علی شاہ نے صوبائی کابینہ کا اجلاس جمعرات 2 دسمبرکوصبح دس بجے وزیراعلی ہائوس کراچی میں طلب کرلیا ہے۔اجلاس میں سندھ کابینہ سندھ اسمبلی میں منظورکی جانے والی قرارداد کی روشنی میں خلاف ضابطہ تعمیرکی گئی رہائشی عمارتوں کو ریگولرائز کرنے سے متعلق آرڈیننس کے اجراء سمیت دیگر آپشنز پر غوراورمشاورت کے بعد لائحہ عمل کی منظوری دے گی۔

علاوہ ازیں سندھ کابینہ میں محکمہ صحت سندھ میڈیکل اور ڈینٹل کالجز کے داخلوں کے لیے پاکستان میڈیکل کمیشن(PMC) کے احکامات کو مکمل طور پر مسترد کرتے ہوئے صوبے میں اپنا قانون بنانے کی سفارشات پیش کرے گی سندھ میں میڈیکل اور ڈینٹل کے داخلوں کے معاملے کو قانونی شکل دینے کی تیاریاں مکمل کرلیں گئیں ہیں۔

(جاری ہے)

داخلہ ٹیسٹ ایم ڈی کیٹ میں کم سے کم 50 فیصد تک میرٹ کو لے جانے کا فیصلہ کرلیا گیا ہے جس کو سندھ کابینہ کی منظوری کے بعد قانونی شکل دی جائے گی محمکہ صحت نے سمری تیار کر کے وزیراعلی سندھ کو ارسال کردی ہے جسے کابینہ سے منظور کرایا جائیگا جبکہ کابینہ کے فیصلے کے بعد سندھ کے میڈیکل کالجز میں داخلوں کا مرحلہ شروع ہوگا۔

صوبائی کابینہ ایگراہم امورپربھی غورکے بعد ان کی منظوری دے گی ۔

کراچی شہر میں شائع ہونے والی مزید خبریں:

Your Thoughts and Comments